Луис Суарез, откако му пропадна трансферот во Јувентус, постигнал договор со Атлетико Мадрид, тврди каталонскиот медиум „Мундо Депортиво“. Според овој извор 33 годишникот ги договорил личните услови со Атлетико, а за да биде реализиран трансферот клубот од Мадрид најпрвин треба да го продаде Диего Коста.

Луис Суарез стана вишок во Барселона со доаѓањето на тренерот Роналд Куман. Уругаваецот редово тренира меѓутоа не беше во комбинација за трите подготвителни натпревари кои ги одигра Барселона.

Се поставува и прашањето колку на договорот помеѓу Атлетико и Суарез ќе влијае и тоа што напаѓачот бара клубот да му ја исплати во целост последната година од договорот. Наводно Барселона понудила да му ислати пола од платата која му следува на Суарез до 30 јуни 2021 година.

„Мундо Депортиво“ тврди дека челниците на Атлетико и тренерот Диего Симеоне биле во постојан контакт со Суарез.

Луис Суарез мина шест години во Барселона, одиграл 238 натпревари на кои постигнал 197 голови.

До крајот на преодниот рок фудбалскиот клуб Барселона има план да се ослободи од уште петмина фудбалери. Преодниот рок во Европа трае до 5 октомври.

Новиот тренер на Барселона Роналд Куман веќе успеа да се ослободи од Иван Ракитиќ, Артуро Видал и Нелсон Семедо. Ракитиќ и Видал заминаа во Севилја односно Интер за симболични суми, клубот ќе може да заработи од бонусите, додека Семедо во Вулверхемптон оди за 38.000.000 евра.

Најголем проблем во овој момент за Барселона е Луис Суарез. Куман му порача на фудбалерот да си бара нов клуб, тој сака да замине но само под услов Барселона да му ај исплати последната година од договорот. Според медиумите Барселона биле подготвени да му исплатат само пола сума, или околу 7.000.000 евра.

Во меѓувреме на Суарез му пропадна трансферот во Јувентус, а тој ги одбил понудите од Рома и Интер Мајами. Се шпекулира дека тој е најблиску до трансфер во Атлетико Мадрид.

Останатите играчи кои треба да заминат до крајот на преодниот рок се Жан-Клуб Тодибо, Самуел Умтити, Матеус и Рафиња Алкантара.

За Умтити и Матеус нема понуди, Алкантара сака да се врати во Селта но клубот од Виго нема 15.000.000 евра колку што бара Барселона, додека за Тодибо интерес покажуваат неколку екипи од Бундес лигата.

Во оваа група спаѓа и талентираниот Рики Пуѓ, кого Барселона сака да го вметне во пакетот што ќе му го понуди на Ајакс за десниот бек Сержињо Дест.

Новак Ѓоковиќ ја почна 287. недела на челната позиција на АТП-листата. Пред него сега е само Роџер Федерер, кој во кариерата вкупно 310 недели бил број 1.

АТП-листата сè уште не е ажурирана бидејќи не е завршен мастерсот во Рим каде Ѓоковиќ во финалето ќе игра против Диего Шварцман.

Ѓоковиќ пред финалето има 10.860 поени и можност со победа да ја зголеми предноста во однос на Рафаел Надал, кој во Рим, како бранител на титулата, испадна во четврт-финалето.

Надал има 9.850 поени, а зад него во Топ 5 уште се Доминик Тим (9.125), Роџер Федерер (6.630) и Данил Медведев (5.890).