Монти Вилијамс ќе биде новиот тренер на Детроит Пистонс.

Новинарот на ЕСПН, Адријан Војнаровски, објави дека Вилијамс се согласил на шестгодишен договор вреден 78,5 милиони долари.

Наводно, тоа е најголемиот тренерски договор во историјата на НБА.

Вилијамс (51), пред три недели беше отпуштен од Феникс Санс, по елиминацијата во полуфиналето во плејофот од Денвер Нагетс. Вилијамс четири сезоно го предводеше Феникс.

Вилијамс беше прогласен за тренер на годината во НБА во 2022 година, а во Детроит ќе го замени Двејн Кејси.

Новиот тренер на Црвена звезда, Израелецот Барак Бахар (44) нема да се потпира на услугите на капитенот Милан Борјан (35) во новата сезона. Бахар го информирал Борјан дека не го гледа како прв голман и дека ќе бара ново решение. Тоа би можело да значи дека искусниот канадски голман ќе ги напушти редовите на српскиот шампион во потрага по клуб каде редовно ќе настапува. Борјан ја коментираше одлуката на Бахар.

„Во Белград го запознав тренерот Бахар, убаво разговаравме. Кога дојдов во Париз, ми се јави новиот тренер и ми кажа дека повеќе не сум прв голман и дека не смета на мене. По телефон. Искрено , многу ми е тешко и повреден сум, не заслужив тренерот кој е два дена во клубот да ми се јави и да ми каже таква информација. Мислам дека требаше да покажат почит кон некој кој ѝ даде шест години од животот на Црвена Звезда“, изјави Борјан за „Спортски журнал“.

„Главата ми е „жешка“ во моментов, многу сум повреден и тажен. Не сакам да кажам нешто погрешно. Нека зборуваат за мене резултатите и шест години титули, двојни круни и натчовечки напори. Времето е секогаш најдобар показател. Во секој случај, јас сум војник на Звезда, имам договор до 2026 година. Моето срце чука за мојата Црвена звезда и тоа никој не може да ми го одземе“, додаде Борјан.

Лионел Меси во следните неколку часа ќе донесе одлука во кој клуб ќе ја продолжи кариерата, одлуката на јавноста ќе и ја соопшти за неколку дена, тврди каталонски „Спорт“.

„Тој не сака неговиот трансфер во нов клуб да стане сапуница. Тој сака да го реши што поскоро и на повидок е неговата одлука“, пишуваат Каталонците кои на насловната страница на денешното издание ја пренесуваат оваа вест.

„Спорт“, тврди дека во овој момент 35. годишниот Меси има четири понуди.

Саудиски Ал Хилал му го нуди најголемиот договор во историјата, наводно 1,2 милијарди евра за две сезони.

Дејвид Бекам сака да го донесе во Интер Мајами. Овој клуб не може да му ја понуди платата која му ја нудат од Ал Хилал, но може да му понуди финансиски поволностии во договорот, односно дополнителни приходи преку вклученост во разни проекти.

Секако тука се и понудите од актуелниот клуб, ПСЖ и поранешниот, Барселона.

„Во моментов шансите се следни: Ал Хилал 40 отсто, Интер Мајами 40 отсто, Барселона 15 отсто, а најмали шанси има ПСЖ (5 отсто). Тој најмногу би сакал да се врати во Барселона, но финансиски таа понуда е најлоша“.