Спорт
Тајсон: Повторно би го гризнал Холифилд!

Легендарниот боксер Мајк Тајсон гостуваше на тв „Фокс“, каде се потсети на неговата најпопуларна и најконтроверзна борба во кариерата, мечот со Ивандер Холифилд на кој „челичниот“ му одгриза парче од увото на ривалот.
Тајсон е многу активен во медиумите затоа што по пауза од 15 години повторно ќе влезе во рингот, на дуел со Рој Џонс Јуниор, на 28. овој месец.
На прашање дали повторно би го сторил истото, Тајсон вели:
„Па, би можело, ако заслужува да биде гризнат, тогаш би го гризнал. Јас во тој момент сакав да го убијам, но само го гризнав. Бев бесен, затоа што беше подобар, затоа што ми задаваше удари во глава, насекаде. Јас сум таков, не му давам на никого да ми ја земе славата“.
Тајсон рече и дека голем број од боксерите не се борат ако претходно не консумираат алкохол.
„Знам многу боксери кои немаат храброст да влезат во ринг без алкохол“ – рече „челичниот“ Мајк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Центарот на Макаби се сели во НБА?

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.
Соркин импресионираше на Евробаскетот за Израел, со просек од 16,5 поени и 6 скока по натпревар.
Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.
Инаку, Соркин се пријави на драфтото во 2018 година, но не беше избран.
Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.
Спорт
Куртоа си купи ноќен клуб

Тибо Куртоа одлучи да развие бизнис надвор од фудбалскиот терен.
Според белгиските медиуми, искусниот голман одлучил да го купи ноќниот клуб „Версуз“ во Хаселт, на северот од Белгија.
Беше затворен минатиот мај, но сега Куртоа сака да му вдахне нов живот.
Планот е целосно да се реновира, за гостите да имаат максимална атмосфера во форма на удобност, музика…
Капацитетот треба да биде околу 4 илјади луѓе.
Спорт
Проблем за Гвардиола – Мармуш се повреди играјќи за Египет

Лоши вести пристигнаа на „Етихад“ од Африка бидејќи Омар Мармуш ги повреди лигаментите на коленото.
Сериозноста на повредата на египетскиот напаѓач ќе ја утврдат специјалистите во Каиро, а потоа и лекарите и специјалистите од Манчестер Сити на прегледот кога ќе се врати во Англија.
Во четвртата минута од дуелот против Буркина Фасо, Мармуш доби силен удар во коленото. По помошта, тој остана на теренот уште неколку минути и побара измена.
Како што стојат работите сега, Мармуш ќе го пропушти градското дерби против Манчестер Јунајтед во недела.
Foto/ „X“