Таткото на Лионел Меси, Хорхе и официјално се преселил во Милано, наводно поради даночните олеснувања кои ги нуди Италија, но италијанските медиуми тврдат дека ова е прв чекор во трансферот на арген тинската легенда во Интер.

Според „Калчомеркато“, Хорхе Меси веќе и официјално е жител на Милано, додека кинеските газди на Интер, „Сунинг групацијата“ продолжува со својот економски план за „операцијата Меси“, за која се шпекулира дека ќе чини над 250 милиони евра. Преселбата во Италија поради данокот има смисла, посебно ако се знае дека Лео и неговиот татко беа обвинети од шпанската држава за прикривање данок и платија висока казна.

Сепак, сите шпекулации посочуваат дека главниот проблем ќе биде самата волја на Меси да ја напушти Барселона, клубот во кој ја помина својата цела кариера и каде што е капитен.

Светскиот рекордер на 100 и 200 метри, Јусеин Болт, смета дека не добил фер шанса во обидот да стане фудбалер во Австралија.

Јамајчанецот беше на проба во клубот од А-лигата, Сентрал Коуст маринерс, во средината на 2018 година кога во текот на целата атлетска кариера не ја криеше љубовта кон фудбалот. И покрај тоа што постигна два гола во пријателски меч, Болт не успеа да добие професионален договор по што имаше уште еден неуспешен обид да се договори со клубот од Малта, Валета.

Тој неодамна стана татко и ужива во животот надвор од вниманието на светските медиуми, но жали за тоа што не добил вистинска шанса.

„Мислам дека не добив фер шанса. Не го направив тоа како што сакав, а мислам дека ќе бев добар во фудбалот. Но, тоа е една од работите што ги промашуваш во животот и одиш понатаму. Навистина го сакам фудбалот и понекогаш ми е жал што се случи така. Сега повторно има луѓе што ме прашуваат дали сакам да играм фудбал, но помина времето, остарев и сега имам ќеркичка, која ми го троши времето“, вели Болт.

Usain Bolt has scored his first goal! ⚡

First Olympic gold, next the Ballon d’Or? 🥇

🎥: @FOXFOOTBALL pic.twitter.com/BVroos9tJS

— Goal (@goal) October 12, 2018

Кавај Ленард постигна 29 поени, Пол Џорџ додаде 24 поени, 7 скока и 6 асистенции за Лос Анџелес клиперс да ги продолжат одличните партии во Орландо со 126:111 победа над Далас маверикс.

Лука Дончиќ имаше повторно добра партија со 29 поени, 6 асистенции и 3 скока, Криштопс Порзингис додаде 30 поени, но тоа не беше доволно за држење ритам со моќните Клиперси.

Од друга страна, попознатиот клуб од Лос Анџелес, Лејкерси, не престанува со поразите. Џејмс Харден имаше фантастични 39 поени, 8 скока и 12 асистенции за 113:97 победа на Хјустон над Лејкерси. Меклемор додаде 20 поени, а за Лејкерси најефикасни беа Кајл Кузма (21 поен) и Ентони Дејвис (17).

Портланд трејлблејзерс оствари уште една важна победа за плејофот откако со 125:115 го совладаа Денвер нагетс. Демјан Лилард беше лидер со 45 поени, Трент додаде 27, а Јусуф Нуркиќ имаше 22 поена. За Денвер, Никола Јокиќ уфрли само 8 поени, но имаше 13 аситенции, а Мајкл Портер имаше 27 поени.