Спорт
ТдФ: Алафилип ја грабна жолатата маичка по соло победата во Еперне
Французинот Жулиен Алафилип нападна на ридестата етапа во Марн, за да стигне до соло победа на третата етапа на Тур де Франс и да ја облече лидерската жолта маичка.
Алафилип (Десеунинк-Квик степ) се одвои од главната група на последното од четирите искачувања за да го помине Белгиецот Тим Веленс на 16 километри пред крајот на етапата, за потоа сам да стигне до финишот. Тој заврши 26 секунди пред главната група, за да ја преземе жолтата маичка од Холанѓанецот Мајк Тојнисен, кој потфрли на низата мали искачувања пред финишот.
27-годишниот Алафилип, кој лани победи на две етапи на Тур де Франс и ја освои маичката со црвени точки како најдобар на планинските етапи беше пресреќен од победата.
„Немам зборови. Знаев дека етапата ми одговара и затоа решив да забрзам на искачувањето Митуњи, но не знаев дека ќе бидам сам. Дадов сè од себе и кога слушнав дека имам 30 секунди предност, знаев дека можам до победа“, изјави Алафилип.
Австралиецот Мајкл Метјуз (Санвеб) го победи Белгиецот Јаспер Стајвен (Трек-Сегафредо) за второто место, а во топ 5 беа и Белгиецот Грег ван Авермет (ЦЦЦ) и Словакот Петер Саган (Бора-Хансгрое).
Алафилип има предност од 20 секунди пред Вут ван Ерт (Џамбо-Висма) во генерален пласман и 25 секунди пред Стевен Крајсвајк и Џорџ Бенет.
? Relive the last kilometre of today's stage and the magnificent win of @alafpolak1! ?
? Revivez le dernier kilomètre de l'étape du jour et la victoire en costaud de Julian Alaphilippe ! ?#TDF2019 pic.twitter.com/4CJaEFZOLf— Tour de France™ (@LeTour) July 8, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.