Спорт
ТдФ: Де Гент со победа, Алафилип ја врати жолтата маичка

Томас де Гент стигна до соло победа на осмата етапа на Тур де Франс, додека Жулиен Алафилип го врати водството во генерален пласман за да осигура Французин да ја носи жолтата маичка на Денот на Бастилја, националниот празник на Франција.
Тибо Пино (Групама-ФДЈ) исто така имаше одличен ден за да одземе 20 секунди пред ривалите за победа откако беше заедно со сонародникот, додека актуелниот шампион Герант Томас падна на 16 километри пред крајот, пред да се врати во главната група.
Белгиецот Де Гент ја искористи совршената етапа за соло-напад, ридестата етапа од 200 километри од Масон до Сент Етјен, и единствени кои останаа со него беа двајцата Французи, и тие заостанаа шест секунди, додека главната група заостана дополнителни 20 секунди.
Алафилип сега го помина Италијанецот Џулио Чиконе со 23 секунди, додека Пино заостанува 53 секунди. Томас е петти со 1:12 послабо време.
⏱️ 1 minute, 1 stage, 1 winner ?
Relive the stage and the victory of @DeGendtThomas in 1 minute!⏱️ 1 minute, 1 étape, 1 gagnant ?
Le résumé de l’étape en 1 minute et la victoire de @DeGendtThomas !#TDF2019 pic.twitter.com/XUtDacCdW3— Tour de France™ (@LeTour) July 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Татко и син, фудбалски тренери во ист ден добија откази

Фудбалските тренери, таткото и синот Јанис и Јоргос Петракис, во ист ден добија откази.
Јоргос Петракис беше тренер на грчкиот АЕЛ, а неговиот татко Јанис, го водеше Панетоликос.
Самиот факт дека во една лига татко и син работат како тренери на различни клубови е навистина импресивен, но бизарно е што двајцата беа отпуштени на ист ден.
Јанис Петракис го водеше Панетоликос од 2023 година, а доби отказ по катастрофалниот пораз од Левадијакос со 6:0. Неговиот син Јоргос беше на клупата на АЕЛ Лариса, клуб кој оваа сезона избори промоција во грчката Супер лига.
Неделата беше фатална и за него, бидејќи беше отпуштен по поразот од 5:2 против Волос.
Двата клуба моментално се наоѓаат на самото дно на табелата, на 12-та и 13-та позиција со само четири освоени бода, со два бода последен е Астерс.
Спорт
Шок во Белград – Задар ја победи Црвена звезда

Кошаркарите на Црвена звезда загубија од Задар со 79:85 во првиот натпревар во АБА лигата, во групата Б.
Екипата на Јанис Сферопулос сè уште не знае за победа оваа сезона, бидејќи ова е трет пораз, по два неуспеси во Евролигата.
Од друга страна, Задар направи големо изненадување, слично како пред три години кога победи во Пионир.
Актуелните шампиони на Хрватска водеа речиси во текот на целиот натпревар и ја остварија четвртата последователна победа над Црвена звезда во Белград.
Кај Звезда, Сами Оџелеи постигна 15 поени со 10 скока, додека Ебука Изунду додаде 15 поени и седум скока.
Џордан Нвора постигна 14 поени, Тајсон Картер 12, а Стефан Миљеновиќ 11 поени.
Задар до победата го предводеа Владимир Михаиловиќ со 21 поен, Карло Жганец со 18, Бо Бич оствари дабл-дабл учинок од 17 поени и 10 скока. Двоцифрен број на поени, 10, имаше и Борна Капуста.
По завршувањето на натпреварот навивачите побараа оставки од чените луѓе на клубот и тренерот Сферопулос.
Foto/ Luka Milosavljevic / STARSPORT
Спорт
Јувентус во Лондон ја најде замената за Влаховиќ

Душан Влаховиќ ја игра последната сезона во дресот на Јувентус. Не ги опрвада вложените 82 милиони евра во неговиот трансфер од Фиорентина.
Србинот влезе во последната година од договорот, ги одби сите понуду да потпише нов за многу помала плата. Италијанските медиуми шпекулираат дека Јувентус ќе се обиде да го продаде Влаховиќ во зимскиот преоден рок. Планот е да извлече некое евро од неговиот трансфер, доколку тоа не му успе тгаш напаѓачот како слободен играч ќе го напушти клубот во јуни следната година.
„Тeam Talk“, тврди дека Јувентус веќе почнал да бара замена за Влаховиќ и дека изборот паднал на Габриел Жесус.
Арсенал веќе ја одредил цената за Бразилецот, а „Старата Дама“ мора да издвои околу 35.000.000 евра за неговиот трансфер.
Се додава дека Жесус го следи и Евертон, кој ќе биде главен конкурент во битката за потписот на напаѓачот на „топџиите“. Бразилецот сè уште се опоравува од сериозна повреда и наскоро треба да се врати на теренот.