Спорт
Тебас: Мислите дека сме глупави, не е закана само Суперлигата, закана е и претседателот на ФИФА

Неуспешниот проект наречен европска Суперлига уште долго ќе биде актуелен во фудбалските кругови. Три клуба (Реал, Барселона, Јувентус), јавно се се откажаа од проектот, поради што Дисциплинската комисија на УЕФА поведе постапка против нив. Се шпекулира дека УЕФА може да ги суспендира и дека тие нема да играат во Лигата на шампионите наредната сезона. Клубовите кои се откажаа од Суперлигата, добија парични казни од УЕФА.
На темата Суперлига, во четвртокот, говореше првиот човек на шпанската лига, Хавиер Тебас. Тој тврди дека приказната не е завршена, бидејќи Суперлигата има поддршка од ФИФА и нејзиниот прв човек Џани Инфантино.
„Клубовите од Суперлигата покажаа незнаење и комплетен неуспех. Тие мислат дека ние сме глупави идиоти и дека веруваме во нивните соопштенија дека сакале да не модернизираат. Тие сакаат да не уништат. Сакаат да ги земат парите од домашните првенства и да го распределат на неколку клубови. Мислат дека тие ќе го спасат фудбалот и дека ние сме глупави, наивни марионети кои не знаат ништо. Не може се да се реши само со промената на форматот.
Четири принципи се нарушени во овој момент. Спортските заслуги, економската стабилност на европскиот фудбал, автономијата на домашните првенства и правото „еден клуб еден глас“. Ова не заврши со пропаста на Суперлигата, ФИФА ја поддржа Суперлигата, тоа може да се види од документите на Суперлигата. Опасноста не доаѓа само од Реал, Барселона и Јувентус, опасноста доаѓа и од претседателот на ФИФА.
„Доколку нивните идеи се толку добри, дека Суперлигата е спасот за сите, зошто тогаш проектот го држеа во тајност? Зошто тоа го објавија во недела навечер? Ве молам, немојте да мислите дека сме глупаци“, рекол Тебас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Распадори во Атлетико Мадрид

Доскорешниот играч на Наполи, Џакомо Распадори, потпиша петгодишен договор со Атлетико Мадрид, објави клубот од „Метрополитано“ стадионот.
Финансиските детали не беа откриени, но италијанските медиуми објавија дека Атлетико му платил на клубот од Неапол околу 26 милиони евра отштета, вклучувајќи бонуси.
Распадори (25) е член на Наполи од 2022 година, а пред тоа играше за Сасуоло. Тој одигра 109 натпревари за клубот од Неапол, постигнува 18 гола и 10 асистенции, и освои две титули во Серија А со Наполи.
Распадори го освои Европското првенство во 2021 година со италијанската репрезентација, а одигра 40 натпревари за Италија, постигнувајќи девет гола.
foto/ atleticodemadrid.com
Спорт
Иља Забарњи го засили европскиот шампион

Иља Забарњи, до вчера централен дефанзивец на Борнмут, потпиша договор со Пари Сен Жермен, актуелниот победник на Лигата на шампионите.
Украинецот потпиша на пет години, до 2030 година, а вредноста на трансферот е дури 66 милиони фунти.
Забарњи пристигна во Борнмут од Динамо Киев. Тој одигра 78 натпревари во Премиер лигата и постигна еден гол. Одигра 48 натпревари за украинската репрезентација со три гола.
Значи, Борнмут ја продаде речиси целата одбрана од минатата сезона и сите завршија во врвни тимови. Голманот Кепа е во Арсенал, Хујсен во Реал Мадрид, Керкез во Ливерпул, а претходно споменатиот Забарњи во Пари Сен Жермен.
Спорт
Петкратниот осовјувач на ЛШ се сели во Еспањол

Лукас Васкез (34) кариерата ќе ја продолжи во Еспањол. Васкез како слободен играч ќе потпише договор со клубот чии дрес го носеше во сезоната 2014/2015. Шпанскиот крилен играч остана без договор откако го напушти Реал Мадрид, а неговото враќање во Барселона треба да биде потврдено во наредните денови.
Италијанскиот трансфер инсајдер Николо Скира веќе пишуваше за новиот клуб на Васкез, а приказната ја потврдија и шпанските медиуми.
Васкез на тој начин ќе се приклучи на клубот кој минатата сезона се бореше за опстанок. Еспањол го освои 14-то место, но со само два бода повеќе од Леганес, кој испадна од лигата.
Васкез пристигна во Реал Мадрид во 2007 година како 16-годишник и играше во сите категории на младинската академија, од тимот до 17 години до Кастиља. По една сезона на позајмица во Еспањол, тој го имаше своето деби за првиот тим на Реал Мадрид во септември 2015 година. Оттогаш, тој има 402 настапи за Реал во текот на 10 сезони, еден од најуспешните периоди во историјата на Реал Мадрид.
Тој освои 23 титули со клубот. Освои пет Лиги на шампиони и светски клупски првенства, четири Европски Суперкупа, еден Шпански Суперкуп и една титула во Шпанското првенство, како и еден трофеј во Кралскиот куп.
Foto/ EPA/J.J. Guillen