Супер-агентот Мино Рајола признава дека е возможно Пол Погба да се врати во Јувентус, но дека пред крајот на договорот следното лето прво ќе зборува со Манчестер јунајтед.

Бидејќи договорот му завршува на крајот на 2021/22, Погба дури може да потпише и пред-договор со друг клуб веќе во јануари и да си замине како слободен играч. Шпекулациите во Англија велеа дека пристигнувањето на новите засилувања Кристијано Роналдо, Рафаел Варан и Џејдон Санчо го кренал ентузијазмот за нов договор со „ѓаволите“, но Рајола вели дека уште ништо не е одлучено.

„Пол Погба е без договор во јуни, така што ќе разговараме со Ман јунајтед и ќе видиме што ќе се случи. Пол уште го сака Торино и има шанси да се врати во Јувентус, но тоа зависи и од планот на клубот“, изјави Рајола.

Јувентус еднаш веќе го добија Погба како слободен играч во 2012 година, по што по четири години се врати во Јунајтед за 100 милиони евра во 2016 година. Од друга страна, Јувентус по огромната загуба минатата сезона се обидува да ги намали трошоците на плати и нудат максимум од 10 милиони евра по сезона, далеку помалку од сумата која би ја добил на „Олд Трафорд“.

Mino Raiola to Rai Sport: “Paul Pogba is out of contract in June, so we’ll talk with Man Utd and we’ll see what happens. Juventus? Paul still loves Turin. There’s a chance that Pogba will return to Juventus, yes – but it also depends on Juventus plans”. 🔴 @CorSport #MUFC #Juve pic.twitter.com/dQvi8ckDGY

— Fabrizio Romano (@FabrizioRomano) September 17, 2021

Новокрунисаната шампионка од САД опен, Ема Радукану вели дека ќе остави нејзините родители да се погрижат за наградата од 2.5 милиони долари која ја доби во Њујорк, и признава дека уште не си приуштила ишто скапо.

18-годишната Британка, која се врати во својата татковина по славната победа, вели дека таа ќе се фокусира на тенисот, додека родителите ќе се грижат за финансиите.

„Ќе ги оставам тие работи на моите родители. Тие може да се погрижат за тоа, а искрено уште не сум отишла на шопинг. Имам лоши навики како и секој тинејџер. Секогаш оставам мешаница зад мене и мора да работам на тоа“, вели Радукану.

Ниту нејзиниот татко, Јан, ниту нејзината мајка, Рене не можеа да патуваат во Њујорк за да го гледаат финалето поради ограничувањата поради пандемијата на КОВИД-19. Британските медиуми тврдат дека ова е само почеток на финансиските придобивки на Радукану, по големите спонзорски договори кои сигурно ќе дојдат за тинејџерката.

Леон Горецка, фудбалерот од средниот ред на Баерн Минхен, е првата фудбалска ѕвезда со неверојатен рејтинг на видеоиграта ФИФА 22, откако 26-годишниот Германец има рејтинг од над 80 во шесте категории (брзина, дриблање, шут, одбрана, додавање и физичка подготвеност)

Со вкупен рејтинг од 87, Горецка според креаторите на видеоиграта е совршениот фудбалер кој може да се снајде одлично во одбраната, во средниот ред и во нападот. За споредба, Лионел Меси и Кристијано Роналдо имаат повисок вкупен рејтинг (над 90), но во одбрана двајцата имаат оценка од само 34.

Најсилниот детаљ на Горецка е физичката подготвеност (86), по што има 84 за дриблање, 82 за шутирање и додавање, и 81 за брзина и одбрана.

Иако се шпекулираше дека ќе си замине од Баерн Минхен по интересот на премиерлигашките клубови, Горецка потпиша нов петгодишен договор со Баварците, со што е сигурно на „Алијанц арената“ барем до 2026 година. Германските медиуми тврдат дека тој заработува од 12 до 15 милиони евра по сезона.