Спорт
Тим му се одмазди на Циципас на стартот на АТП финалето во Лондон

Шампионот од САД опен, Доминик Тим со победа го стартуваше настапот на елитниот турнир за осумте најдобри тенисери во 2020, АТП финалето во Лондон, и во исто време му се одмазди на Стефанос Циципас.
Австриецот Тим, лани загуби во финалето во „О2 арената“ од Циципас во драматични три сета, но овојпат повторно во три сета стигна до 7:6(5)/4:6/6:3 победа во првиот меч од групата „Лондон 2020“, каде што се наоѓаат и шампионот од Ролан Гарос, Рафа Надал и Русинот Андреј Рубљов, кои својот прв меч го играат во 21 часот.
Во мечот одлучуваа нијанси, но Австриецот беше одличен со 8 аса и 31 директна победничка топка, и загуби само еден брејк на свој сервис во вториот сет. Во првиот сет Тим имаше три шанси за брејк, но не ги искористи, по што го доби сетот во тај-брејк, пред Циципас да се соземе во вториот сет и со ран брејк да израмни на 1:1. Сепак, Тим најде начин за со брејк да поведе со 3:0 во одлучувачкиот сет, за да ја комплетира победата по 137 минути игра.
Revenge is sweet ?
After last year’s final defeat, @ThiemDomi turns the tables on Tsitsipas – winning the opening Group London 2020 match 7-6 4-6 6-3!#NittoATPFinals pic.twitter.com/W0q9wzCwml
— Tennis TV (@TennisTV) November 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.
Спорт
Партијата на суд под обвинение за силување

Поранешниот фудбалер на Арсенал, Томас Парти, претпладнево се појави во Судот за прекршоци во Вестминстер во Лондон откако беше обвинет за силување.
Тој е обвинет за пет обвиненија за силување и едно обвинение за сексуален напад. Сите наводни кривични дела се случиле помеѓу април 2021 и јуни 2022 година.
Облечен во црн џемпер и држејќи јакна во рака, тој брзо помина покрај новинарите и фотографите во судницата.
Неговата адвокатка, Џени Вилтшир, претходно изјави дека фудбалерот ги негира сите обвиненија и со нетрпение ја очекува можноста „конечно да го исчисти своето име“.
Парти, на суд беше условно ослободен по обвиненијата за силување и сексуален напад. Условите за негово ослободување предвидуваат дека 32-годишниот Парти не смее да контактира со ниту една од трите жени и дека мора да ја извести полицијата за секоја трајна промена на адресата или меѓународно патување, објави Би-Би-Си.
Полицијата соопшти дека започнала истрага против Парти во февруари 2022 година, кога првпат добила пријава за силување.
Петте обвиненија за силување се однесуваат на две жени, додека обвинението за сексуален напад се однесува на трета жена.
Парти го напушти Арсенал откако му истече договорот, кој траеше до 30 јуни, а четири дена подоцна беше обвинет за силување.
Арсенал во 2020 година за услугите на Парти на Атлетико Мадрид му плати 50 милиони евра..
Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Фото/ Принтскрин