Лестер имаа среќа што на голот го имаа расположениот Каспер Шмахјел за да извлечат 1:1 реми со Барнли, додека „фенерџијата“ Шефилд јунајтед со 1:0 ја совлада Астон вила, тим кој има огромни проблеми со повреди.

Матеј Видра ги донесе Барнли во водство по само четири минути игра на „Турф мур“, пред Келечи Ихеаначо да израмни во 34. минута од мечот. „Лисиците“ имаа повеќе од играта, но најдобрите шанси ги имаа домаќините, за на крајот да остане 1:1. Лестер се израмнија со бројот на поени со второпласираниот Манчестер јунајтед, но сега имаат натпревар повеќе, додека Барнли се 15. со 29 поени, шест над зоната за испаѓање.

Шефилд јунајтед, убедливо последнопласираниот тим во Премиер лигата, ја забележа само четвртата победа оваа сезона, откако со голот на Дејвид Мекголдрик, по што издржаа цело второ полувреме со играч помалку. Со победата, Шефилд имаат 14 поени, односно се 12 поени од безбедната зона.

ПРЕМИЕР ЛИГА, 29.КОЛО

Барнли – Лестер 1:1

Шефилд јунајтед – Астон вила 1:0

Астон Мартин, поранешниот тим на Рејсинг поинт (а претходно Форс Индија), го објави болидот со кој четирикратниот светски шампион Себастијан Фетел ќе се обиде да го „крене“ уште повисоко заедно со синот на газдата Ленс Строл во 2021 година.

Ова е прв болид кој го носи името на славниот британски производител по шест децении, односно наследник на ДБР5 болидот, кој го носеше името на тогашниот сопственик Дејвид Браун. Новиот болид има кодно име АМР21 (Астон Мартин Рејсинг 2021).

Посебни гости на презентацијата беа Џејмс Бонд (односно актерот Даниел Крег) и НФЛ легендата, Том Брејди, кој неодамна по шести пат го освои Супер болот.

It wouldn’t be an @AstonMartinF1 launch without James Bond… right? 😉 #AMR21 #IAMF1 pic.twitter.com/QwDfXSKIsg

— Aston Martin Cognizant F1 Team (@AstonMartinF1) March 3, 2021

Thank you for joining us on this incredible journey. We’re just getting started… #AMR21 #IAMF1

Discover more ➡️ https://t.co/z3o7E5exWM pic.twitter.com/KD359otEZh

— Aston Martin Cognizant F1 Team (@AstonMartinF1) March 3, 2021

Фудбалскиот клуб Барселона под водство на поранешниот претседател Жосеп Мариа Бартомеу е оштетен за износ помеѓу 843.000 и 1.200.000 евра преплатувајќи ги услугите на компанијата за следење на друштвените мрежи, објавија дел од шпанските медиуми.

Барселона од 2017 до 2020 година исплатила 2,3 милиони евра на групацијата „NiceStram“ под која се наоѓа компанијата „I3Ventures“ ангажирана за следење на социјалните мрежи.

Полицијата завчера упадна во клупските простории на „Ноу Камп“ за да ги испитаат подробностите, по што следуваше апсење на екс-претседателот Бартомеу и шефот на неговиот кабинет, Жаиме Масферер.

Поранешниот хрватски репрезентативец, Иван Ракитиќ рече дека е жално да се гледа што се случува во неговиот поранешен клуб (сега повторно тој е дел од Севилја).

„Жално е да се гледаат и слушаат тие работи. Сите кои ја носиме Барселона и тој град во срцето сакаме тоа што побрзо да се заврши и луѓето да можат да уживаат во Барса како и досега“ рече 32-годишниот Ракитиќ во разговор за „Радио Марка“.

Хрватот беше член на тимот од „Ноу Камп“ од 2014 до 2020 година.

„Јас секогаш сакам да кажам дека ние играчите сме само играчи. Тука сме за да играме фудбал. Во добро и во лошо – ние сме посветени на играта“ вели тој.