Спорт
Топ стрелци на СП: Од Гиљермо Стабиле до Хари Кејн

Низ историјата на светските првенства 29 фудбалери можат да се пофалат со титулата најдобар стрелец, на завршните турнири.
„Златната копачка“ најмногу пати ја освојувале Бразилците. Пет пати меѓу најдобрите стрелци на светските првенства имало бразилски репрезентативец, следуваат Гермнаците со три.
Најмногу голови на едно светско првенство постигнал легендарниот француски фудбалер Жист Фонтен. На СП во 1958 година тој успеал да постигне 13 гола на шест натпревари.
Најмногу голови, на еден мундијалски натпревар, постигнал рускиот репрезентативец Олег Саленко. На 28.јуни 1994 година, на СП во САД, Русија го победи Камерун со 6:1, а Саленко на тој натпревар постигна пет гола.
Најдобар стрелец на светските првенства е Германецот Мирослав Клосе. Овој напаѓач со Германија учествувал на четири мундијали (2002, 2006, 2010, 2014) и во кариерата постигнал 16 гола.
Најдобри стрелци на светските првенства:
1930 – Гиљермо Стабиле (Аргентина), 8
1934 – Олдич Неједли (Чехословачка), 5
1938 – Леонидас (Бразил), 8
1950 – Адемир (Бразил), 8
1954 – Шандор Кочиш (Унгарија), 11
1962 – Дражен Јерковиќ (Југославија), Гаринча (Бразил), Флоријан Алберт (Унгарија), Валентин Иванов (СССР), Леонел Санчез (Чиле), Вава (Бразил), 4
1966 – Еузебио (Португалија), 9
1970 – Герд Милер (Германија), 10
1974 – Гжегож Лато (Полска), 7
1978 – Марио Кемпес (Аргентина), 6
1982 – Паоло Роси (Италија), 6
1986 – Гери Линекер (Англија), 6
1990 – Салваторе Тото Скилачи (Италија), 6
1994 – Олег Саленко (Русија), Христо Стоичков (Бугарија), 6
1998 – Давор Шукер (Хрватска), 6
2002 – Роналдо (Бразил), 8
2006 – Мирослав Клосе (Германија), 5
2010 – Диего Форлан (Уругвај), Томас Милер (Германија), Весли Снајдер (Холандија), Давид Виља (Шпанија), 5
2014 – Хамес Родригез (Колумбија), 6
2018 – Хари Кејн (Англија), 6
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Земјотрес во тенисот – Ѓоковиќ и колегите поднесоа тужба

Здружението на тенисери (PTPA), основано од Новак Ѓоковиќ, покрена правна постапка против управните тениски тела.
Документите беа поднесени во Окружниот суд на САД во Њујорк.
Во тужбата на 163 страници, меѓу другото, се вели дека „професионалните тенисери се заробени во наместена игра“ што им дава „ограничена контрола врз нивните сопствени кариери и брендови“.
Се критикува распоредот, системот на рангирање и контролата што постои кога е во прашање имиџот на играчите.
Жалбата беше поднесена од PTPA и 12 играчи, меѓу кои и Ѓоковиќ, неговиот ко-основачки партнер Васек Поспишил и Ник Кирjос – „во име на целата играчка популација“.
Со тужбата се бара крај на „монополската контрола“ на тениската турнеја, како и финансиска компензација од АТП, ВТА, ИТФ и ИТИА.
PTPA верува дека раководните тела функционираат како картел со тоа што склучуваат договори со турнири кои ги ограничуваат наградните фондови и ги спречуваат потенцијалните конкуренти да влезат на пазарот.
Тие сметаат дека распоредот е неодржлив, трае 11 месеци во годината, попатно барајќи од играчите да играат на преголема топлина или во раните утрински часови.
Поради ова, играчите страдаат од сериозни повреди на зглобот, лактот и рамото бидејќи топките се менуваат во текот на сезоната.
ITIA е обвинета за нарушување на приватноста поради пребарување на телефоните на играчите поради сомневање за корупција и допинг.
АТП годинава организира 60 настани во 29 земји. АТП тврди дека поделила 241,6 милиони долари на играчите во 2023 година.
ВТА оваа сезона нуди 51 турнир во 26 земји. Се истакнува дека во 2024 година на тенисерите им исплатила 221 милион долари.
Играчите често се жалеа дека не добиваат доволно висок процент од приходите што ги генерира спортот, поради што PTPA е создаден во 2020 година.
Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.