Спорт
Трансфермаркт: Ова се тројцата најскапи фудбалери во светот
Трансфермакрт, портал специјализиран за проценка на вредноста на фудбалерите, со најголема база на податоци за фудбалот, ја објави најновата листа за шпанската лига.
Најскап на оваа листа е офанзивниот играч за врска на Реал Мадрид, Англичанецот Џуд Белингам (20), чија вредност се зголеми од 150 на 180 милиони евра.
Белингем се изедначи со Килијан Мбапе (25) од ПСЖ и Ерлинг Халанд (23) од Манчестер сити. Според Трансфермаркт овие тројца најмногу вредат на фудбалскиот пазар. По нив следуваат Винисиус (23) од Реал со вредност од 150 милиони евра и Букајо Сака (22) од Арсенал со 120 милиони евра.
Белингем летово пристигна во Реал од Борусија Дортмунд во трансфер кој со бонуси ќе вреди повеќе од 100 милиони евра. Англичанецот веднаш стана најважниот играч во тимот на тренерот Карло Анчелоти. На 21 настап постигна дури 17 гола. Неговиот договор е со важност до 2029 година.
Халанд е напаѓач на Сити, заврши на второто место во трката за Златната топка во 2023 година, веднаш зад Лионел Меси. Норвежанецот постигна 19 гола и имаше пет асистенции во 22 настапи оваа сезона. Тој исто така беше неверојатен минатата сезона, неговата прва сезона во клубот од Манчестер. Постигна 52 голови на 53 натпревари, со девет асистенции. Неговиот договор е со важност до 2027 година.
Мбапе е најдобриот играч на ПСЖ. Без разлика дали е во врвот на нападот или на крилните позиции, оваа сезона има 21 гол и две асистенции на 22 натпревари. Со оглед на тоа што неговиот договор истекува на крајот на сезоната, а тој се уште нема потпишано нов, тој би можел да го смени клубот во летото 2024 година. Најчесто го поврзуваат со Реал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Жота за триумф на Ливерпул на Селхурст Парк
Фудбалерите на Ливерпул со победа над Кристал Палас го отворија седмото коло во Премиер лигата. Ливерпул со 1:0 го порази домаќинот и ја забележа шестата победа во сезоната. Ливерпул е лидер на табелата и тука ќе остане и по комплетирањето на седмата рунда.
Не им беше лесно на „црвените“ на Селхурст Парк пред 25.000 глоедачи. Мечот го реши раниот гол на Диого Жота во деветтата минута.
Жота го постигна 60-ти гол во дресот на Ливерпул на јубилејниот 100-ти натпревар во дресот на клубот од „Енфилд“.
Португалецот можеше да постигне уште некој гол но не беше прецизен во 35. и 62. минута.
Шанса имаше и Салах во 57. минута но Дин Хендерсон одлично одбрани, а шанси за домашниот тим пропуштија Исмаил Сар во судиското надополнување и Еберечи Езе во 84. минута.
Голманот на Ливерпул, Алисон се повреди во 77. минута, па до крајот на мечот на голот на гостите беше Чехот Витеслав Јарош.
First goal of Liverpool Vs Crystal place (0:1) D.Jota ⚽️ pic.twitter.com/qwtJccpNSM
— Jadkar (@JadkarFootball) October 5, 2024
Спорт
Фенербахче експресно најде замена за Вилбекин
Американскиот кошаркар Сабен Ли стана нов член на Фенербахче.
Скоти Вилбекин, синоќа ги скина предните вкрстени лигаменти на првиот натпревар од новата сезона во Евролигата кога Фенербахче пред своите навивачи го победи Олимпијакос со 82:71.
Како што пренесуваат Арис Баркас и порталот „Јурохупс“, челниците на Фенербахче веднаш стапиле во контакт со колегите од Маниса и го договориле трансферот на Сејбен Ли.
Поранешниот НБА играч на Детроит, Филаделфија и Феникс блесна на првиот натпревар од Лигата на шампионите на ФИБА во дресот на Маниса и забележа 36 поени и по шест скока и асистенции во победата над Мурсија 103:97.
Ли е поранешен судент на универзитетот Вандербилт. Инаку, неговиот братучед Трент Форест моментално е член на Басконија.
Спорт
Ѓоковиќ спаси две сет топки, во два тај-брејка го победи Микелсон
Новак Ѓоковиќ потешко од очекувањата победи на стартот на Мастерсот во Шангај. Српскиот тенисер во два тај-брејка го победи 43. играч на АТП листата, Американецот Алекс Микелсон.
Новак Ѓоковиќ по пет години пауза се врати на Мастерсот во Шангај, беше пречекан со овации од публиката, но малдиот Микелсон не беше импресиониран, ниту од величината на противникот, ниту од атмосферата.
Двата сета имаа ист тек, во првиот Микелсон во раната фаза направи брејк, водеше со 3:0, Ѓоковиќ успеа да се врати, а во тај-брејкот пресуди неговото искуство.
Во вториот, Ѓоковиќ прв стигна до брејк и кога се очекуваше рутински да го заврши мечот, му дозволи на Микелсон да се врати. Тај-брејкот беше драматичен Ѓоковиќ спаси две сет топки, а ја искорсити својата трета меч топка за триумф.
Во третото коло Ѓоковиќ ќе игра против Вавринка или Коболи.