Спорт
Тренерот на ЦСКА експлодираше: „Изгледате како нивни кучки“
Тренерот на кошаркарите на ЦСКА Москва, Димитрис Итудис не бираше зборови на тајм-аутот во првото полувреме на вчерашниот меч од Евролигата што неговата екипа го играше со Алба во Берлин.
Грчкиот стручњак на средината на втората четвртина повика минута одмор за своите кошаркари. Тој беше видно изнервиран поради фактот што играчите на ЦСКА изгубиле дури 11 топки за 15 минути игра.
„Изгледате како нивни кучки. Изгледаме како да сме нивни кучки. Тие не притискаат, а ние само губиме топки. Секој од вас изгуби топка“ – викаше Итудис и покажуваше со прстот кон секој од играчите кој имаше загубена топка.
Сепак, тоа најверојатно ги раздрма „Армејците“ кои до полувремето направија предност од +5, 39-34.
Еве ја реакцијата на стратегот кој „занаетот го печеше“ од српскиот тренер Жељко Обрадовиќ:
CSKA Moscow committed 11 turnovers in less than 15 minutes vs. Alba Berlin.
Dimitris Itoudis is NOT amused. pic.twitter.com/Vsp4a5DfiT
— Antonis Stroggylakis (@AStroggylakis) October 25, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.