Еден од најдобрите фудбалери на сите времиња, Кристијано Роналдо, оваа среда полни 40 години.

Роден на островот Мадеира, тој ја започна својата кариера во младинските школи на локалните клубови Адорињо и Национал, каде во 1997 година, како 12-годишник, беше забележан од лисабонскиот гигант Спортинг.

Набргу по неговото деби за првиот тим во 2002 година, брилијантниот настап на пријателскиот натпревар против Манчестер Јунајтед го привлече вниманието на Сер Алекс Фергусон, кој веднаш го донесе на Олд Трафорд.

Во текот на шест сезони, тој постигна 118 гола во 292 натпревари и освои девет трофеи, вклучувајќи ја и Лигата на шампионите, сепак, тој го достигна својот врв во Реал Мадрид, за кого одигра 438 натпревари за девет години и постигна импресивни 450 гола.

Со Мадрид освои 15 трофеи, вклучувајќи четири Лига на шампиони, но само две титули во Ла Лига.

Потоа четири години играше за Јувентус и на 134 натпревари постигна 101 гол, но со „Старата дама“ не успеа да ја освои Европа.

Тој неочекувано се врати во Манчестер Јунајтед во 2021 година, блескајќи во првата сезона со 24 гола, но новиот тренер Ерик тен Хаг немаше доверба во него и го напушти Олд Трафорд во јануари 2022. Потоа се пресели во Саудиска Арабија, каде Ал Наср му понуди плата од 200 милиони евра годишно. На 95 натпревари постигна 87 гола и се уште дава голови.

Роналдо е светски рекордер по бројот на настапи и голови за репрезентацијата, со 217 настапи и 135 голови, а со Португалија го освои и ЕВРО 2016 година.

Петкратниот освојувач на „Златната топка“ за најдобар фудбалер во светот е рекордер во Лигата на шампионите и ЕУРО по број на настапи, голови и асистенции.

Тој е еден од ретките играчи со повеќе од 1.200 одиграни натпревари и најдобар стрелец на сите времиња со повеќе од 900 гола (924. го постигна во понеделникот) во сениорската кариера.

Почнувајќи од следната сезона, судиите на натпреварите во англиската Премиер лига своите одлуки ќе ги соопштуваат на публиката на стадионот преку микрофони откако ќе ја прегледаат снимката со помош на ВАР технологијата.

Оваа процедура моментално се тестира на полуфиналните натпревари од Лига купот оваа сезона, а првиот практична примена имаше на натпреварот меѓу Тотенхем и Ливерпул, кога на Тотенхем им беше поништен гол поради офсајд.

Главниот фудбалски директор на Премиер лигата, Тони Сколс, им изјави на новинарите дека оваа процедура ќе се користи и за време на натпреварите во лигата.

Полуавтоматската офсајд технологија би можела да биде воведена во Премиер лигата и порано, пред крајот на оваа сезона.

Првично, технологијата требаше да се имплементира по репрезентативната пауза во првиот дел од сезоната, но тоа беше одложено поради проблеми во процесот на тестирање. Сколс рече дека е постигнат напредок во текот на изминатите неколку недели.

„Веруваме дека тоа е најточниот систем. Морам да признаам, со оглед на тешкотиите што ги имавме во првите неколку месеци од сезоната, бев крајно скептичен во врска со ова, но напредокот што беше постигнат во изминатите четири до шест недели е значителен“, рече Сколс.

Сколс додаде дека имплементирањето на технологијата на само неколку рунди до крајот на сезоната нема да создаде проблем со интегритетот.

Претставниците на лигата веруваат дека тоа ќе го скрати времето потребно за проверка на офсајд во просек за 31 секунда.

Шампионот во „кралската класа“ Хорхе Мартин се здоби со скршеници на десната рака и левото стапало, поради што во четврток ќе отпатува за Шпанија, каде ќе биде опериран. Покрај него, слична ситуација се и Раул Фернандез од Трекхаус и возачот на ВР46 тимот Фабио ди Џанантонио.

Возачот на Aприлија, Мартин, изгубил контрола над својот мотоцикл, во вториот свиок на петеката „Сепанг“, по што имаше ужасен пад.

Веднаш бил пренесен во болница. Мартин заработи фрактура на петтата метакарпална коска на десната рака, како и фрактура на третата, четвртата и петтата метатарзална коска на левото стапало, потврдија од италијанскиот тим. Покрај тоа, најверојатно доживеал и потрес на мозокот.

За Мартин, сите овие повреди значат дека предсезонските тестирања во „Сепанг“, кои се траат до петок се завршени. Засега нема информации дали тој ќе биде присутен на тестирањата „Бурирам“ следната недела.

Jorge Martin’s highside at turn 2 😳#MotoGP #SepangTest

pic.twitter.com/NmhUuWQPq8

— Crash MotoGP (@crash_motogp) February 5, 2025

Во Шпанија на операција ќе мора да оди уште еден возач на Априлија, Раул Фернандез од тимот Трекхаус. Фернандез се здобил со фрактура на метакарпалната коска на левата рака при пад, а исто така има и фрактура на малиот прст. Ова значи дека тест-возачот на Априлија, Лоренцо Савадори, ќе има многу позначајна улога во „Сепанг“ од првично планираното, а италијанскиот тим во моментов остана само со Марко Бецеки и Аи Огура.

Претпладнево на патеката „Сепанг“, се повреди и Фабио де Џанантонио. Италијанецот ја скршил клучната коска на левата рака, истата што ја скрши минатата година во несреќата на „Ред Бул Ринг“.

Италијанецот потоа ги пропушти последните две трки од сезоната поради операција, за да биде подготвен за новиот шампионат, но нова повреда значи враќање во Италија на уште една операција.