Спорт
Три клуба се против да играат на неутрални терени

Фудбалските клубови Вотфорд, Брајтон и Астон Вила јавно се спротивставија на предлогот преостанатите натпревари од сезоната да се играат на неутрални терени. Премиерлигата е стопирана на 13 март поради коронавирусот. Прашање е дали и кога ќе продолжи, еден од предлозите е натпреварите да се играат на неутрални терени. По ова прашање клубовите ќе треба да се изјаснат в понеделник.
За да помине овој предлог потребно е да гласаат „За“ 14 од 20 клубови во Премиерлигата. Би-би-си тврди дека три клуба јавно го изразиле незадоволството, а дека и останатите не се воодушевени од предлогот.
„Апсолутно се согласувам со предлогот натпреварите да се играат без публика, меѓутоа сега ни велат дека не можеме преостанатите натпревари кога сме домаќини да ги играме на нашиот стадион. И тие натпревари треба, како ништи да не се случило, да ги играат фудбалери чии животи се свртени наопаку. Многу работи се бараат од нас, иако е јасно дека натпреварувањето не личи на она кое го започнавме, тоа би можело да го означи крајот на малите клубови каков што е Вофорд во Премиерлигата“, рекол директорот на Вотфорд Скот Даксбури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јанис со трипл-дабл ја реши драмата во Мајами

Милвоки Бакс, по едно продолжение победи Мајами Хит со 121:115. Со оваа победа тимот од Висконсин обезбеди пласман во плеј-офот на НБА лигата, а апсолутен херој беше Јанис Адетокумбо.
„Грик Фрик“ оствари нов трипл-дабл, овојпат со 36 поени, 15 скока и десет асистенции.
Со тоа Адетокумбо му се закани на Никола Јокиќ во трката за МВП, а според некои проекции би можел да го загрози и неговото второ место на таа листа.
Натпреварто беше неизвесен до самиот финиш, а во последната минута беше 109:109.
Потоа Кајл Андерсон им донесе предност на домашните од линијата за слободни фрлања, но Брук Лопес обезбеди продолженија за Милвоки.
Во дополнителното време разликата ја направи серија на Милвоки од 8:0.
Покрај Јанис, 24 поени постигна Кевин Портер Јуниор, а на другата страна најмногу се истакна Бем Адебајо со 31 поен, 12 скока и пет асистенции.
Хит играа без Тајлер Хиро, Ендрју Вигинс и Кевин Лав.
Резултати:
Филаделфија – Минесота 109:114
Детроит – Мемфис 103:109
Мајами – Милвоки 115:121
Клиперс – Далас 135:104
Спорт
Македонските борци во финалето на MFC 21 во Црна Гора – Марко Трајановски и Вања Гавриловски

Шанса за уште две златни медали за Македонија!
Двајцата претставници од Македонија, Марко Трајановски и Вања Гавриловски, се пласираа во финалето на MFC 21 (Montenegro Fighting Championship), кое ќе се одржи на 6 април 2025 година во Бар, Црна Гора.
По доминантната победа на Марко Трајановски против претставникот на Австрија, Франческо Батистата, тој ќе се соочи со домашниот борец Алекса Зујовиќ во категорија до 88.4 кг. Од друга страна, Вања Гавриловски ќе влезе во октагонот против Урош Вучиниќ, исто така од Црна Гора, во категорија до 70.3 кг.
Финалните борби ќе се пренесуваат во живо на Adriatic Sport Live TV, со почеток од 19:00 часот.
Спорт
Мурињо суспендиран на три натпревари

Дисциплинската комисија на турскиот фудбалски сојуз го казни тренерот на Фенербахче, Жозе Мурињо со суспензија од три натпревари.
По поразот од Галатасарај на домашен терен со 1:2 во четврт-финалето на Купот на Турција, Мурињо му го штипна носот колегата од спротивниот табор Окан Бурук, што беше окарактеризирано како напад.
Порадит тоа, Португалецот беше суспендиран за следните три првенствени натпревари.
Под водство на Мурињо, Фенербахче ги загуби двете големи дербија на домашен терен од Галатасарај, во првенството беше 3:1.