Спорт
Три причини за неверојатниот пораз на Медведев
Данил Медведев доживеа шокантен пораз на мастерсот во Индијан Велс. Рускиот тенисер, загуби од Григор Димитров, во ситуација кога имаше водство во сетови од 1:0 и предност од 4:1 во вториот сет. Овој пораз на Медведев го остави Новак Ѓоковиќ на првото место на АТП листата, веројатно до крајот на годината.
Медведев, кој на турнејата по Северна Америка, забележа 18 победи во 20 одиграни мечеви, ги објасни причините за поразот.
„Прво, мислам дека во животот не сум загубил три сервис гема на тврда подлога. Тоа покажува колку се бавни овие терени, речиси како да се игра на земјана подлога. Четири пати го загубив сервис гемот во еден сет, тоа не недозволиво. Второ, знам дека топчето потешко се контролира кога се игра во дневни услови, поради тоа не можев да го удрам првиот сервис онака како што сакав. Прашав да играм во вечерниот термин, не ми дозволија што е нормално, бидејќи пред овој меч имав ден пауза. И трето, Григор Димитров играше на друго ниво при 4:1 во вториот сет. Ако игра вака до крајот ќе го освои турнирот. Играше подобро од сите со кои се сретнав на Ју-ес опен. Ако продолжи вака не гладам кој може да го застане“, рекол Медведев.
Доколку го освоеше мастерсот во Индијан Велс, Медведев барем една недела ќе беше број 1 на АТП листата. За да ја оствари таа цел тој сега ќе треба да победи на сите турнири до крајот на годината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.