Навивачите на Рома ги построија играчите по катастрофалниот поразот од Бодо Глимт, во Конференциската лига.

Рома, синоќа на северот на Норвешка, доживеа еден од најтешките порази (6:1), во европските купови.

Натпреварот во Норвешка го следеа околу 400 навивачи на Рома, кои минаа 3.000 километри.

По завршувањето на натпреварот, играчите застанаа пред трибината на која беа навивачите, со намера да се извинат за лошата игра, а капитенот Лоренцо Пелегрини им го понуди својот дрес.

Тие му го вратија дресот на капитенот, а потоа пет минути со разни пцовки ги навредуваа играчите.

Влудоневиден од оваа стиуација беше Тејми Ејбрахам, кој летово пристигна во Рома за 40 милиони евра. Ејбрахам кој дојде од Премиер лигата, ќе мора да се навикне на вакви навивачи испади.

The AS Roma fans who travelled to Norway confronted the players after Roma lost 6-1 to Bodo/Glimt pic.twitter.com/Td30lt39jG

— Lupo TV (@LupoTVofficial) October 21, 2021

Тиери Анри нема дилема дека неговиот сонародник, Карим Бензема, во моментов е најдобар фудбалер во светот. Анри е уште еден  Французин кој лобира Бензема да ја добие Златната топка.

Анри, играч кој обележа цела една деценија во Премиер лигата, рекол дека во Англија е најдобар Мохамед Салах, но дека најдобар во светот е Бензема.

„Головите на Салах се неверојатни, но како можете да ги заборавите Левендовски и Бензема? Мислам дека во овој момент, во клубот и репрезентацијата, Салах не е на нивното ниво. Според формата, во овој момент Салах е најдобар во Премиер лигата, сепак најдобар во светот е Бензема“, рекол Анри.

Златната топка на „Франс фудбал“ ќе биде доделена за еден месец.

Актуелните шампиони во НБА лигата, кошаркарите на Милвоки Бакс, доживеаја тежок пораз во Мајами. Хит славеа над Бакс во својата арена со 137:95.

Натпреварот стана еднонасочна улица уште во првата четвртина, во која Мајами стекнаа предност од 25 поени. Предноста од над 20 поени, Хит, ја имаа се до третиот период кога уште повеќе ја зголемија.

Милвоки на овој натпревар погодија само 12 тројки од 42 обиди и имаа 20 скокови помалку од противникот (38/58).

Шестиот играч на Мајами, Тајлер Хиро за 24 минути на паркетот постигна 27 поени, Џими Батлер уфрли 21 поен, а Бем Адебајо забележа дабл-дабл од 20 поени и 13 скокови. Јанис Адетокумбо одигра само 22 минути, забележа 15 поени и 10 скока, поен помалку за Бакс постигна Грејсон Ален.