Спорт
Три звучни имиња се на трансфер листата во Барселона
Барселона во летниот преоден рок повторно ќе направи многу промени во тимот. Јасно е дека многу играчи ќе бидат продадени, се со цел да клубот да собере пари за да го врати Лионел Меси, а на списокот на играчи има многу познати имиња. Некои од нив се дел од тимот, а некои оваа сезона играат на позајмици низ Европа.
Барселона е подготвена да направи сериозни промени во тимот во летниот преоден рок. Многу се работи на доаѓањето на Лионел Меси, а на тимот, како слободен играч ќе му се приклучи Иниго Маринез од Атлетик Билабо. Според медиумите, како слободен играч на „Ноу Камп“, ќе пристигне и капитенот на Манчестер сити Илкај Гундоган.
Списокот на играчи кои клубот е подготвен да ги продаде е доста долг. На него има многу големи имиња и нема да бидат поштедени играчите кои важеа за недопирливи.
Најголемото име е секако Ансу Фати. Младиот напаѓач требаше да биде наследник на Лионел Меси, тој по неговото заминување доби „десетка“, но не ги оправда очекувањата.
Повредите, лошата форма и изјавите на неговиот татко во кои го криткува клубот и тренерот Чави, на крајот доведоа до тоа клубот да го продаде. Цифрата што ја посакуваат е 50 милиони евра и клубот веќе му соопштил на агентот Жорге Мендеш да му бара нов клуб.
Барселона бара слична сума и за Феран Торес, кој не се снајде на „Камп Ноу“ по трансферот од Манчестер сити.
Изненадување е што клубот е подготвен да го продаде Бразилецот Рафиња, кој во летниот преоден рок беше донесен како големо засилување.
Лош период во Барселона има и дефанзивецот Ерик Гарсија.
Покрај ова офанзивно трио, на продажба се и фудбалери кои се позајмени во други тимови: Ез Абде (Осасуна), Нико Гонзалес (Валенсија), Клемент Ленглет (Тотенхем), Сержињо Дест (Милан) и Самуел Умитити (Лече).
Повеќето од нив веројатно нема да ги видиме повторно во дресот на Барселона, а многу е можно ниту еден да не остане во тимот од стадионот „Камп Ноу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.