Спорт
Трипл-дабл на Тејтум во Далас, Марканен броеше до 49, Денвер ги растури Клиперси
Бостон Селтикс ја прекинаа победничката низа на Далас Маверикс, Денвер Нагетс во дербито на западот ги декласираа ЛА Клиперс, Лаури Марканен постави личен рекорд во победата на Јута против Хјустон, а Џа Морент го предводеше Мемфис до победата над Орландо.
Денвер Нагетс одиграа еден од најдобрите натпревари сезонава, го декласираа ЛА Клиперс со 122:91. Предноста на Нагетс во еден момент изнесуваше 43 поени.
Најдобриот играч на тимот, Никола Јокиќ воопшто не играше во последниот период.. Актуелниот МВП дуелот го заврши со 12 поени, шест скока и девет асистенции. Џамал Мареј беше најефикасен со 18 поени, 13 од нив постигна во последната четвртина. Покрај Јокиќ и Мареј, уште петмина играчи на Денвер постигнаа двоцифрен број на поени.
Немоќните Клиперси ги предводеа Ник Пауел со 13 поени. Ниту еден стартер на тимот од Лос Анџелес немаше двоцифрен учинок – најефикасен беше Ивица Зубац со осум 8 поени, Каваи Ленард постигна шест, а Пол Џорџ само три поени.
Најдобриот тим во лигата, Бостон убедливо победи во Далас 124:95. Џејсон Тејтум имаше 29 поени, 14 скока и 10 асистенции за својот втор трипл-дабл во кариерата, додека Џејлен Браун додаде 19 поени.
Во тимот на Далас повторно најефикасен беше Лука Дончиќ кој постигна 23 поени, но словенечкиот претставник ги промаши сите шест шута за три поени.
Кошаркарите на Јута го победија Хјустон со 131:114, предводени од Лаури Марканен, кој постигна рекордни во кариерата 49 поени.
Најдобро го следеа Малик Бисли и Џордан Кларксон со по 19 поени, додека кај Хјустон најдобри беа Џејлен Грин со 30 и Кевин Портер со 23 поени.
Мемфис ја забележа петтата победа во низа. Гризлис славеа во дуелот со Орландо со 123:115.
Најзаслужни за тоа беа Џа Морант со 32 поени, шест асистенции и пет скока и Џерен Џексон, кој додаде 31 поен и 10 скока.
На другата страна најефикасен беше Паоло Банкеро со 30 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ова е најлошиот Манчестер јунајтед во историјата на Премиер лигата
Актуелната генерација фудбалери на Мачестер јунајтед продолжи да го Манчестер јунајтед продолжи да го уништува имиџот на клубот. „Црвените ѓаволи“, во понеделникот вечерта беа декласирани во Лондон од Кристал Палас со 4:0.
Манчестер јунајтед се наоѓа на осмото место на табелата со 54 бодови. Како што стојат работите тимот наредната сезна нема да игра во европските купови.
Јунајтед сезонава руши негативни рекорди.
Кога станува збор за одбраната, Јунајтед оваа сезона прими дури 81 гол, што е најмногу од сезоната 1976/77.
Исто така, за прв пат откако елитниот ранг на англискиот фудбале го носи името Премиер лига (1992), Јунајтед забележа 13 порази во една сезона.
„Црвените ѓаволи“, сепак има шанса барем малку да го подобрат впечатокот во финалето на ФА Купот каде ривал на 25 мај ќе им биде Манчестер сити.
Што се однесува до шампионатот, тимот на Тен Хаг има уште три натпревари против Арсенал, Њукасл и Брајтон.
Да потсетиме, Јунајтед оваа сезона беше елиминиран во четвртото коло од Лига купот од Њукасл (3:0), а настрада и во Лигата на шампионите каде завршија на последното место во групата со Баерн, Копенхаген и Галатасарај.
Спорт
(Видео) Дебкал на Денвер, втор брејк на Минесота
Актуелните шампиони на НБА лигата, Денвер Нагетс претрпеа уште еден брејк. Минесота Тимбервулвс, вториот меч од полуфиналната серија во „Бол арена“ во Денвер го добија убедливо со 106:80.
Минесота, во втрориот мечдемонстрираше зошто е нејзината одбрана е најдобра во лигата, а со две серии од 19:0 во финишот на втората и почетокот на втората четвртина го декласираа шампионот.
Ентони Едвардс и Карл Ентони Таунс ги предводеа „Волците“ со по 27 поени, од клупата Наз Рид Никел Александер Вокер придонесоа со по 14 поени.
Најефикасен кај Денвер беше Арон Гордон со 20 поени, Никола Јокиќ забележа дабл-дабл од 16 поени и 16 скока, имаше и осум асистенции, но со лош процент на реализиција (5-13), а целосно потфрли Џамал Мареј кој се мачи со повредата, постигна осум поени (3-18 од игра), имаше и 13 скокови.
Серијата сега се сели во Минеаполис, Минесота ќе биде домаќин во наредните два натпревари, првиот се игра во сабота од 3.30 часот.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.