Спорт
Трка за Златната топка 2022: На врвот се фудбалерите на Реал Мадрид и Ливерпул

Во текот на сезоната, фудбалскиот портал „Goal.com“ ја ажурира својата листа на фаворити за освојување на наградата „Златна топка“ во 2022 година. Порталот го рангира најдоброто, имајќи ги предвид сите елитни натпреварувања, и клупски и репрезентативни. Во последното издание на ова рангирање, на самиот врв се играчите на финалистите од Лигата на шампионите – Реал Мадрид и Ливерпул.
На првото место на оваа ранг листа е напаѓачот на Реал Мадрид, Карим Бензема. Французинот сезонава постигна нереални 47 гола и 15 асистенции во сите натпреварувања, ја освои Ла Лига, УЕФА Лигата на нации и Суперкупот на Шпанија.
На втората позиција е напаѓачот на Ливерпул Садио Мане. Фудбалерот на Сенегал во актуелната сезона има 29 гола и пет асистенции, а од трофеите на „контото“ ги има Африканскиот куп на нации, ФА Купот и Лига купот.
Трет е соиграчот на Мане, Мохамед Салах. Египетската суперѕвезда освои две куп натпреварувања во Англија, а заедно со Сон од Тотенхем, Салах ја подели титулата најдобар стрелец во Премиер лигата за сезоната 2021/2022. Тој постигна вкупно 33 гола во сезоната и имаше 19 асистенции во сите натпреварувања.
На четвртото место е Роберт Левандовски од Баерн (56 гола, 11 асистенции, Бундеслига, Суперкуп на Германија), а на петто е Килијан Мбапе од Пари Сен Жермен (48 гола, 31 асистенција, Француска Лига 1, УЕФА Лига на нации) .
Погледнете го редоследот на останатите фудбалери од списокот што го обезбеди „Goal.com“:
6. Кевин де Брујне (Манчестер Сити)
7. Винисиус Јуниор (Реал Мадрид)
8. Лука Модриќ (Реал Мадрид
9. Фил Фоден (Манчестер Сити)
10. Трент Александер-Арнолд (Ливерпул).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клучен натпревар за двете репрезентации – Србија ќе ја пречека Албанија во Лесковац

Фудбалерите на Србија нема да ја пречекаат Албанија во Белград во квалификациите за Светското првенство што ќе се игра во 2026 година.
На веб-страницата на УЕФА се појави официјална информација дека Србија нема да биде домаќин на албанските фудбалери во Белград, наведено е дека натпреварот ќе се одигра на стадионот „Дубочица“ во Лесковац. Капацитетот на овој стадион е околу 8.000 места.
Првично беше планирано натпреварот да се игра во Белград, но потоа Фудбалскиот сојуз на Србија побара да се премести во Лесковац, што и УЕФА го прифати и потврди, како што објавија и Албанците.
„По средбата со Англија во Белград, одлуката за промена на локацијата беше донесена врз основа на детални анализи на сите аспекти поврзани со организацијата на спортски настан со висок ризик како што е претстојниот дуел со Албанија.
Клучната причина е безбедноста. Не само публиката, туку пред сè играчите и сите други актери во играта. Ваквата средба носи највисок степен на ризик и бара целосна контрола со цел да се спречат инциденти како што веќе имавме можност да видиме во дуелите на овие два тима. Сите добро ги паметиме настаните и последиците од Белград во 2014 година“, се вели меѓудругото во соопштението што го објави Фудбалскиот сојуз на Србија.
Овој натпревар ќе се игра на 11 октомври.
foto/ EPA
Спорт
(Видео) Дуплантис повторно го сруши светскиот рекорд

Арманд „Мондо“ Дуплантис повторно постави светскиот рекорд во скок со стап на планетарното првенство во Токио. Најголемата ѕвезда на светската атлетика прелета 6,30 метри во својот трет обид и за еден сантиметар го надмина својот личен и планетарен рекорд поставен во Будимпешта пред нешто повеќе од еден месец. Ова е 14-ти пат во неговата кариера да го подобри најдобриот резултат на планетата.
„Мондо“, исто така, собра дополнителни 100.000 долари, кои се доделуваат на натпреварувачот кој ќе го постави светски рекорд.
Пред светскиот рекорд, неверојатниот Швеѓанец ги прелета сите височини од прва. Го обезбеди златото со 6,15, а потоа следеше она на што сите се надеваа на преполниот Олимписки стадион во јапонската престолнина. Ова е негова четврта последователна титула светски шампион.
ARMAND DUPLANTIS : PREMIER HOMME DE L’HISTOIRE À PASSER LA BARRE DES 6M30. 😳#Tokyo2025 #WCHTokyo25 pic.twitter.com/A6RogMtyeZ
— Le Stade (@le_stade) September 15, 2025
Во сенка на чудесниот „Мондо“, до среброто стигна Гркот Емануел Каралис, кој скокна точно 6 метри, додека на најниската скала на подиумот се искачи Австралиецот Куртис Маршал со 5,95 метри.
Foto/ EPA
Спорт
Сензација на 3.000 метри „стипл-чез“, Бимиш во солзи го остави фаворитот Ел Бакали

Георди Биниш од Нов Зеланд забележа сензационална победа на 3.000 метри „стипл-чез“ на Светското првенство во Токио.
Биниш во спектакуларен финиш, во последните пет метри успеа да го победи Софијан Ел Бакали, инаку двократнен олимписки и трикратен светски шампион.
Делуваше дека Ел Бакали ќе забележи лесна победа. Како и многу пати во кариерата, тој беше на задните редови, па полека забрза. На 150 метри пред целта, се проби на првото место и се чинеше дека ќе ја одбрани титулата.
Бимиш не мислеше така, кој неверојатно забрза и почна да се приближува до Мароканецот. На крајот, го помина и славеше со време од 8:33.88.
Бакали беше во апсолутен шок по трката. Легна на патеката и плачеше. Никој не можеше да го утеши за златото што му избега за пет стотинки.
Кениецот Едмунд Серем успеа да ја освои бронзата во втор план со 8:34.56.
Немаше изненадувања во финалето на фрлање кладиво за жени. Олимписката и светска шампионка Камрин Роџерс рутински ја одбрани својата круна.
Го фрли кладивото најдалеку оваа сезона 80,51, а нејзините втори и трети најдобри резултати беа повредни од постигнувањето на второпласираната Кинеска Жао (77,60) метри. Третата беше уште една репрезентатвка на Кина Жанг со 77,10.
Foto/ EPA