Спорт
Тухел е најдобриот тренер, Данците со фер-плеј наградата на ФИФА
Менаџерот на Челси, Томас Тухел е прогласен за најдобар тренер изминатата сезона во изборот на ФИФА Бест наградите, откако за неколку месеци ги трансформираше „сините“ и со нив ја освои титулата од Лигата на шампионите.
Германецот, кој доби отказ од Пари Сен-Жермен, го смени Френк Лампард на клупата на клубот од Лондон, и успеа да ги внесе во топ 4 во Премиерлигата, но уште поважно по вторпат да го донесе на „Стемфорд Бриџ“ трофејот од ЛШ по победата над Манчестер сити во финалето.
Двојниот успех на Челси го комплетираше и Ема Хејс, тренерот на женскиот тим на „сините“, која ја доби наградата за најдобар тренер во женскиот фудбал, откако ги освои трите домашни трофеи во Англија првпат во историјата на клубот, и го предводеше тимот до финалето на Лигата на шампионите.
Данската фудбалска репрезентација, заедно со тренерскиот, помошниот и лекарскиот тим, се освојувачи на наградата за ферплеј по случките на ЕУРО 2020, кога на нивниот прв меч против Финска, Кристијан Ериксен доби срцев удар, по што му беше спасен животот по брзата реакција на нивниот лекарски тим. Исто така наградата од фановите оди кај навивачите на Данска и Финска за однесувањето на тој меч.
?? Thomas Tuchel is the #TheBest FIFA Men’s Coach 2021!
?? He had a year to remember with @ChelseaFC! pic.twitter.com/skVgbZTxCO
— FIFA World Cup (@FIFAWorldCup) January 17, 2022
Impacting the game ?
Congratulations to @emmahayes1, #TheBest FIFA Women’s Coach 2021! pic.twitter.com/kv0z4jAadL
— FIFA Women’s World Cup (@FIFAWWC) January 17, 2022
? ?? Denmark National Team, Danish Medical Team and Staff have won the FIFA Fair Play 2021 Award
??? pic.twitter.com/LcgCaTcxwp
— FIFA World Cup (@FIFAWorldCup) January 17, 2022
? The FIFA Fan Award 2021 goes to Denmark and Finland fans!
? ?? ?? ❤️ pic.twitter.com/POobYKjdbW
— FIFA World Cup (@FIFAWorldCup) January 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.