Возачите на Ферари, Луис Хамилтон и Шарл Леклер и возачот на Алпин, Пјер Гасли, беа дисквалификувани од Големата награда на Кина што се одржа претпладнево по средноевропско време во Шангај.

По трката, стјуардите известија дека болидите на Леклер и Гасли се со недоволна тежина, а набрзо следеа казни. Двајцата возачи беа дисквалификувани.

Хамилтон беше дисквалификуван поради техничка грешка, еден од лизгачките блокови ја немал потребната дебелина по трката.

И Ферари и Алпин признаа дека нема олеснителни околности и дека тимовите се виновни, Шарл Леклер беше петти во неговото Ферари, пред тимскиот колега Хамилтон, додека Пјер Гасли го зазеде 11. место.

Нивната дисквалификација значи дека редоследот на возачите кои освоиле поени во Кина е следниов: Пјастри, Норис, Расел, Ферстапен, Окон, Антонели, Албон, Берман, Строл, Саинц.

Пјастри победи во Кина пред Норис и Расел

Вечерва со почеток од 20 часот и 45 минути не очекуваат четири спектакуларни реванш натпревари од четвртфиналето на Лигата на нации на УЕФА.

Франција ќе се обиде да надопилни минус од два гола против Хрватска во Париз, Данска ќе брани гол предност во Лисабон против Португалија, Германија ќе ја пречека Италија во Дортмунд и ќе се обиде да го „потврди“ триумфот од Милано од 2:1, додека Шпанија и Холандија ќе се соочат во Валенсија, по ремито 2:2 во Ротердам.

Покрај борбата за пласман во полуфиналето на најмладото репрезентативно натпреварување во светот, во кое Шпанците го бранат трофејот, овие осум селекции во зависност од исходот од реваншите вечерва ќе дознаат и во која група ќе бидат за мундијалските квалификации.

Квалификациите започнаа во четвртокот, оние селекции кои ќе стигнат до полуфиналето на Лигата на нации ќе им се приклучат дури во септември, додека оние кои ќе бидат елиминирани вечерва ќе го започнат патувањето до Светското првенство во јуни.

Секако, сите осум од овие селекции ќе бидат фаворити во своите групи, но многу е интересно да се напомене дека најмалку две од поразените селекции во четвртфиналето на Лигата на нации ќе влезат, во полесни групи.

Победникот од дуелот Франција – Хрватска оди во групата Д во која се Украина, Исланд и Азербејџан. Поразениот оди во групата Л, во која се Чешка, Црна Гора, Фарски Острови и Гибралтар. Дури и лаиците знаат дека поразениот од овој двомеч ќе има полесна работа во квалификациите.

Победникот од двомечот Португалија-Данска оди во групата Ф, во која се и Унгарија, Република Ирска и Ерменија. Поразените ќе играат во групата Ц во која се уште Грција, Шкотска и Белорусија.

Победникот од дуелот Германија-Италија оди во групата А во која се уште Словачка, Северна Ирска и Луксембург. Поразениот ќе се натпреваруваат во групата И во која се Норвешка, Израел, Естонија и Молдавија.

Победникот од двомечот Шпанија-Холандија ќе се пласира во групата Е со Турција, Грузија и Бугарија. Поразениот ќе играат во групата Г, во која се Полска, Финска, Литванија и Малта.

Иако нема освоено ниту една АТП титула од ноември 2023 година, кога го освои завршниот мастерс во Торино, Новак Ѓоковиќ нема намера наскоро да ја заврши кариерата.

Тој го потврди ова, во Макајми, во изјава за Тенис ченел.

„Додека се чувствувам како што се чувствувам сега, задоволство и уживање е да се биде на теренот. Без разлика каде сум. Сакам да продолжам да играм се додека ми се допаѓа. Очигледно нема да биде така на секој меч, но се додека можам да се натпреварувам на највисоко ниво, ќе продолжам да играм. Желбата е присутна имам поддршка и од најблиските во мојот живот. Па да видиме до каде ќе стигнам“, изјави по победата против Хиџиката во второто коло на овој Мастерс.

Ѓоковиќ, велерва околу 20 часот, во третото коло игра против Аргентинецот Карабели, 65-ти на АТП листата.