Спорт
„УЕФА да му ја гарантира безбедноста на Мхитаријан во Баку“
Хенрик Мхитаријан веројатно нема да биде дел од тимот на Арсенал во финалето на Лига Европа против Челси. Проблем се дипломатските односи помеѓу Азербејџан, земјата каде ќе се игра финалето и Ерменија, земјата од која доаѓа фудбалерот. Од клубот побараа од УЕФА да го реши проблемот.
Азербејџан и Ерменија се непријатели, водеа и војна поради спорот околу регионот Нагорно-Карабах. Од 1994 година двете држави ги прекинаа сите дипломатски односи, а на државјаните на Еремнија им се забранет влезот во Азербејџан.
За Мхитаријан ова не е ништо ново, бидејќи слични ситуации имало и во минатото, кога тој бил играч на Борусија Дортмунд, а и во блиското минато. Во фазата по групи Арсенал беше во група со азербејџанскиот тим Карабаг. И тогаш Ерменецот воопшто не аплицирал за азербејџанска виза.
Во 2015 година иако УЕФА им ветиле на луѓето од Дортмунд дека ќе обезбедат виза за Мхитаријан, во тогашниот клуб од безбедносни причини решиле Ерменецот да не патува во Азербејџан.
За Арсенал срамно е што еден фудбалер не може да игра финале на некои натпреварување поради политички проблеми. Поради тоа на УЕФА ѝ порачаа дека тие мора да го решат проблемот.
„Безбедноста на нашите играчи е најважна. бараме гаранции од УЕФА дека на Мхитаријан ќе му биде обезбеден влез во Баку, но и дека ќе биде безбеден додека ние престојуваме во Азербејџан. Бараме да му се одобри виза, сакаме тој да биде со нас. Срамно е поради политиката да го пропушти финалето. Ние се уште не сме добиле никакви гаранции дека тој таму ќе се чувствува безбедно, се надеваме дека УЕФА ќе си ја заврши работата“, соопштиле од клубот.
Ерменецот сезонава има одиграно 38 натпревари за Арсенал, на кои постигнал шест гола.
Финалето во Лига Европа, помеѓу Арсенал и Челси ќе се одигра на 29 мај на Олимпискиот стадион во Баку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Пораз на Шкендија од Дрита
Фудбалерите на Шкендија го запишаа вториот пораз во Конференциската лига. На гостувањето во Косово, Дрита ја порази Шкендија со 1:0. По втроиот пораз во Конференциската лига, Шкендија остана на четири поени и се наоѓа на 25-то место на табелата.
Натпреварот не понуди некој врвен квалитет, се играше тврдо од двете страни. Пресуди голот на Манај во 20.минута. Впечаток е дека дефанзивците можеда да реагираат подобро во оваа ситуација.
Шкендија во наредната рунда ќе го пречека Слован од Братислава. Натпреварот се игра на 11 декември.
Инаку, Слован го направи најголемото изненадување во петтото коло, на домашен терен, по пресврт го победи Рајо Ваљекано (2:1).
Foto/ EPA, arhiva
Спорт
Македонија го растури Азербејџан
Кошаркарската репрезентација на Македонија со победа ги отвори претквалификациите за Европското првенство во 2029 година. Во Скопје, Македонија го совлада Азербејџан со 87:49.
Македнија ја оправда улогата на фаворит и според очекувањата забележа лесна и убедлива победа.
Андреј Јакимовски беше најдобар со дабл-дабл (25 поени и 11 скокови). Двоен учинок од 16 поени и 11 скока реализираше и капитенот, Војдан Стојановски, Зеќири уфрли 17 поени.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
Во наредното коло од групата А, на 30.ноември, нашата најдобра селекција ќе гостува во Даблин кај Република Ирска.
Извор/ Кошаркарска федерација на Македонија
Спорт
(Видео) Лил го декласира Динамо Загреб
Фудбалерите на Лил го победија Динамо Загреб со 4:0 во петтото коло од Лигата на Европа.
„Догите“, успеаја да го заборават поразот од Црвена звезда и да се вратат на победничкиот колосек во ова натпреварување.
Натпреварот мина во целосна доминација на францускиот тим. Интересно е што таа ги постигна првите два гола по контранапад.
Кај првиот гол, одбраната на Динамо реагираше лошо, Харалдсон го искористи подарокот, му асистираше на Кореја во шеснаесетникот, кој рутински го совлада Филиповиќ.
Нгал’Ајел Мукау го зголеми резултатот на 2:0 во 36-та минута. Домашниот тим лесно ја измами одбраната на Дианмо, а Мукау беше сосема сам пред голот по вратена топка од левата страна.
Во второто полувреме, Лил имаше серија шанси, а искористи две. Хамза Игамане прв постигна гол во 69-та минута. Харалдсон повторно беше во улога на асистент.
Конечните 4:0 ги постигна Бенџамин Андре во 86-та минута.
Динамо има седум бода по пет кола и моментално е на 18-то место, но би можел дополнително да падне на табелата по одигрувањето на вечерните натпревари од Лигата на Европа. Лил е седми со девет бода.
Лига Европа на УЕФА, 5. коло
Рома – Митјиланд 2:1 (1:0)
/Ел Ајнауи 7, Ел Шарави 83 – Паулињо 90/
Астон Вила – Јанг Бојс 2:1 (2:0)
/Мален 27, 42 – Монтеиро 90/
Порто – Ница 3:0 (2:0)
/Веига 1, 33, Омородион 61пен./
Фенербахче – Ференцварош 1:1 (0:0)
/Талиска 69 – Варга 66/
Феенорд – Селтик 1:3 (1:2)
/Уеда 11 – Јан Хјун 31, Хате 43, Мек Грегор 82/
Лил – Динамо Загреб 4:0 (2:0)
/Кореја 21, Мукау 36, Игамане 69, Андре 86/
Лудогорец – Селта 3:2 (1:0)
/Станиќ 11пен, 49, 63пен – Дуран 70, Ел Абделауи 90+6/
ПАОК – Бран 1:1 (0:0)
/Иванушец 64 – Корвинг 89/

