Спорт
УЕФА подготвува жесток напад на Суперлигата

Објавата на 12 елитни фудбалски клубови, дека од наредната сезона ќе се натпреваруваат во своја лига, која ја нарекоа Суперлига, предизвика жестока реакција кај УЕФА и не само кај европската Куќа на фудбалот, туку и во европските медиуми и националните фудбалски првенства.
Суперлигата, во која според основачите, ќе се натпреваруваат 20 клубови, ќе значи крај за Лигата на шампиони. Јасно е дека Лигата на шампионите на УЕФА, нема да може да ѝ конкурира на Суперлигата чии основачи се најмоќните клубови од Англија, Италија, Шпанија.
Прв претседател на Суперлигата ќе биде првиот човек на Реал Мадрид, Флорентино Перез, кој доцна синоќа преку соопштение ја извести јавноста дека 12 клубови формирале своја лига.
УЕФА, денес ќе тргне во контра-напад на одменатите клубови. УЕФА, во Монтро, Швајцарија, закажа состанок на Извршниот одбор. На состанокот УЕФА ќе упати ултиматум до 12-клубови, доколку не се откажат од Суперлигата, тогаш тие ќе бидат исфрлени од домашните првенства, а фудбалерите нема да можат да играат за своите национални тимови.
УЕФА се заканува со радикални казни бидејќи има поддршка од ФИФА, Премиер лигата на Англија, шпанската Ла Лига и италијанската Серија А. Сите овие институции се противат на основањето на Суперлигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал го победи Јувентус, Ливерпул ја прекина црната серија, Баерн лансираше ново тинејџерско чудо

Комплетирано е третото коло во Лигата на шампионите. Максимален учинок досега имаат само шампион Пари Сен Жермен, финалистот од минатата сезона Интер, водечкиот тим во Премиер лигата, Арсенал, односно Баерн Минхен и Реал Мадрид.
Дербито се одигра на „Сантијаго Бернабу“ во Мадрид. Реал го пречека Јувентус и славеше со 1:0 со голот на Белингем во 57-та минута.
Реал доминираше, создаваше шанси, но и Јувентус неколку пати беше иксклучително опасен пред голот на Куртоа. Непосредно пред голот на Белингем, Влаховиќ не реализираше во ситуација „еден на еден“ со Куртоа.
Ливерпул во Франкфурт, против најлошата одбрана во Лигата на шампионите ја прекина низата од четири порази. Ајнтрахт први постигнаа гол, но потоа Ливерпул жестокот одговори. До крајот на мечот „црвените“ постигнаа пет гола.
Баерн со 4:0 славеше во дуелот со Клуб Бриж. Натпреварот го обележа тинејџерот Ленарт Карл. Дебитираше во Лигата на шампините и по само четири минути постигна гол. Стана најмладиот стрелец за Баерн во историјата на елитното натпреварување.
Тинеџерите го обележаа и натпреварот меѓу Челзи и Ајкас (5:1). „Сините“ доминираа бидејќи од 15-та минута играа со фудбалер повеќе. Тројца тнејџери: Гиу, Естевао и Џорџ постигнаа по еден гол.
Резултати: Ајнтрахт Франкфурт – Ливерпул 1:5, Монако – Тотенхем 0:0, Баерн – Клуб Бриж 4:0, Реал Мадрид – Јувентус 1:0, Аталанта – Славија Прага 0:0, Челзи – Ајакс 5:1 и Спортинг Лисабон – Олимпик Марсежј 2:1.
Спорт
(Видео) Блат со тројка од осум метри го сруши Реал

Кошаркарите на Макаби го победија Реал Мадрид со резултат од 92:91 (17:27, 40:21, 19:26, 16:17) во првиот натпревар од 6. коло од Евролигата.
Реал Мадрид го доживеа вториот пораз во Белград, откако минатата недела беше поразен од Црвена звезда, вечерва загуби од Макаби со тројката на Тамир Блат на четири секунди до крајот.
Tamir Blat baca na kolena Real Madrid i nanosi im novi poraz. pic.twitter.com/Xvf06IxZKP
— Zicer Portal&Podcast (@zicer_portal) October 22, 2025
Макаби повторно беше блиску да загуби добиен меч, кој ќе се памети по тројката на Блат и 40-те поени што ги постигнаа кошаркарите на Макаби во втората четвртина.
Израелците имаа сигурна предност од осум поени на три минути до крајот, но Кампацо го врати Реал во натпреварот, а со неговите поени го презеде водството (90:92).
Потоа Блат од осум метри погоди тежок шут, Реал имапе четири секунди, одиграа играчите на Скариоло добар напад, но Хезоња не успеа да погоди.
Лони Вокер беше најефикасен со 27 поени, од кои 20 постигна во втората четвртина, а имаше и 2 скока и 4 асистенции. Роман Соркин постигна 21 поен со 6 скока и 3 асистенции, Ошај Брисет додаде 18, а херојот Тамир Блат забележа 12 со 2 скока и 9 асистенции.
Во редовите на Реал, Хезоња постигна 24 поени и имаше 8 скока и 3 асистенции, Факундо Кампацо 14 поени и 5 асистенции, Усман Гаруба 12 поени и 2 скока, а Тео Маледон заврши со 11 поени.
Спорт
Спенсер Динвиди во Олимпијакос

Американскиот кошаркар Спенсер Динвиди е нов играч на грчки Олимпијакос, ексклузивно објавува „Телеспорт“.
Искусниот кошаркар, кој целата своја кариера ја помина во НБА каде што имаше забележителен настапи, одлучи да се пресели во Европа, откако не доби договор за сезоната во НБА лигата.
Одличниот шутер беше поврзуван со бројни европски тимови, вклучувајќи ги српските клубови Црвена звезда и Партизан, се шпекулираше дека Ефес е најблиску до неговиот потпис, но 32-годишниот Динвиди се одлучи за Грција и Олимпијакос.
Во НБА, Динвиди играше за Детроит, Бруклин, Вашингтон, Далас и Лејкерси, а своите најдобри натпревари ги одигра во дресот на Нетси, особено истакнувајќи се во сезоната 2019-20, кога во просек постигнуваше над 20 поени по натпревар.
Динвиди играше за Далас минатата сезона и во просек постигнуваше 11 поени.