Спорт
УЕФА покрена истрага против Реал, Барселона и Јувентус
Европската фудбалска унија (УЕФА), денес објави дека, поради проектот европска Суперлига, покрената е истрага против фудбалските клубови Реал Мадрид, Барселона и Јувентус.
„„Во согласност со членот 31 од Дисциплинските правила на УЕФА, инспекторите за етика и дисциплина на УЕФА денес добија задача да спроведат дисциплинска истрага за можно кршење на законската рамка на УЕФА во врска со учеството на Реал, Барселона и Јувентус во т.н. проект Суперлига”.
Во УЕФА им се лути на овие клубови, бидејќи тие, за разлика од преостанатите девет, не се откажаа официјално од Суперлигата. Реал, Јувентус и Барселона се убдени дека Суперлигата е неизбежна реалност.
Медиумите потсетуваат дека ретки се случаите кога УЕФА, носела ослободителни пресуди, бидејќи за секоја покрената истрага Куќата на фудбалот има покритие.
Не е познато со какви казни се сочуваат Реал, Јувентус и Барселона. Се шпекулира дека е можна двегодишна суспензија од европските купови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA
Спорт
(Видео) Севилја е зелено-бела – Бетис победи во „Дерби Севилјано“
Фудбалерите на Бетис победија како гости во градското дерби на Севилја (2:0), во натпреварот од 14-то коло на ЛаЛига.
Зелено-белите славеа за прв пат по речиси осум години на стадионот „Рамон Санчез Пижуан“.
Натпреварот беше обележан и со прекин на крајот, околу 15 минути, поради фрлање тврди предмети на теренот од страна на домашните навивачи.
Уште тогаш беше јасно дека Бетис ќе победи, па со тоа сега имаат 24 бода и го држат петтото место на табелата. Севилја продолжува со лоши резултати и ја зазема 13-та позиција со 16 бода.
Форналс ја искористи грешката на одбраната на Севилја во 54-та минута и ја затресе мрежата на Влаходимос.
Алтмира стави крај на натпреварот во 69-та минута, а црвениот картон за Ромеро во 84-та минута само им помогна на гостите да освојат три бода.

