Спорт
УФЦ: Петр Јан дисквалификуван по бруталното колено, Махачев победи со Хабиб во аголот

Рускиот УФЦ шампион во бантам категорија, Петр Јан беше дисквалификуван и ја загуби титулата по нелегален удар со колено на УФЦ 259 против Американецот Алџамајн Стерлинг.
Во четвртата рунда од мечот во Лас Вегас, Јан го удри со колено во главата, додека тој беше на едно колено, што е апсолутно нелегален потег и судијата Марк Смит веднаш го дисквалификуваше.
„Се извинувам и му посакувам брзо опоравување на противникот. Не планирава да направам нелегален удар, но направив грешка и платив за тоа“, напиша Јан на Твитер.
Русинот водеше кај двајца од тројцата судии во тој момент и беше на добар пат да ја одбрани титулата која ја освои против Хозе Алдо минатиот јули.
you cant do that. #UFC259 pic.twitter.com/uxFBb26YCA
— Tony X (@soIoucity) March 7, 2021
Неговиот сонародник, Ислам Махачев, во својот прв меч од септември 2019 година со Хабиб Нурмагомедов во аголот, го победи Американецот Дру Добер и веднаш го повика Тони Фергусон на меч. Откако доминираше во текот на целиот, меч, Махачев го примора противникот да се предаде на подог во третата рунда.
THE REAL DEAL!
?? @MakhachevMMA displayed why he has top five potential.
[ Watch the #UFC259 PPV: https://t.co/RtY8CF7PWc ] pic.twitter.com/rAT87BkQRO
— UFC (@ufc) March 7, 2021
Кај дамите пак, Аманда Нунеш покажа дека е најдоминантната фајтерка на својата генерација, откако двократната шампионка ја совлада Меган Андерсон во првата рунда во меч во перо категорија.
Колку беше доминантна Бразилката покажува тоа што мечот траеше само 2 минути и 3 секунди и ова е 12-та победа во низа за Нунеш.
GOAT STATUS.
?? @Amanda_Leoa didn't need long! #UFC259 pic.twitter.com/LADS0snV0b
— UFC (@ufc) March 7, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA