Тренерот на Баерн Минхен, Јулијан Нагелсман се зарази со коронавирусот, а јавноста во Германија е шокирана со фактот што и понатаму петмина фудбалери се уште не се вакцинирани.

Шокот е уште поголем ако се знае дека фудбалерот на баварскиот тим, Џошуа Кимих кој заедно со Леон Горецка ја основаа фондацијата „Да ја шутнеме короната“ се уште не е вакциниран. Двајцата фудбалери дадоа по 1 милион евра.

„Секој од нас може нешто да стори за короната да не се шири понатаму, а сите заедно можеме да дадеме допринос за општеството“ изјави Кимих.

Тој и на УНИЦЕФ му донираше 500.000 евра за развивање на вакцина против Ковид 19, иако самиот се уште не е вакциниран.

Како што пишува угледниот „Билд“, Џошуа не е против вакцинација, туку сака да почека многу поквалитетна вакцина од постоечката.

Тренерот пак на Баварците Нагелсман пропагира општа вакцинација.

„Прашајте ги луѓето кои работат на клиниките каков е пеколот ако не сте вакциниран“ смета тој.
Нагелсман иако бил двапати вакциниран, сепак во моментов е во изолација откако е позитивен на вирусот.

Официјално, српскиот кошаркарски тренер Зоран Лукиќ е новиот селектор на кошаркарската селекција на Русија. Тој во своето прво обраќање изјави:

„Имавме продуктивна конверзација и веднаш почувствував големо интересирање. Оваа седмица им ја претставив својата филозофија, моето мислење“ рече Лукиќ.

Тој долги години со успех работи во Русија.

„Во Нижни Новгород традиционално се обидувам да направам баланс меѓу остварувањето спортски резултати и можноста за младите играчи. Често тренерите се во средина. Голема е честа да се води селекцијата, но јас ќе прифатев само две понуди – Русија или Србија!“ рече Лукиќ.

Тој првпат ќе ги собере кошаркарите на средината на ноември, а на 26. и 29. идниот месец Русија ја очекуваат мечеви против Италија и Исланд во рамки на квалификациите за Мундобаскетот 2023.

Зоран Лукич назначен на пост главного тренера сборной России по баскетболу 🏀

Сербский наставник — идеальный рулевой в сложившихся обстоятельствах: https://t.co/MM9WG94MmH pic.twitter.com/XC5jlLcNV2

— Чемпионат (@championat) October 22, 2021

Барселона утре од 16.15 часот на „Ноу Камп“ го дочекува најголемиот шпански ривал – Реал Мадрид во големото дерби на 10. коло во Ла Лига.

„Кралевите“ моментно се второпласирани со 17 бодови, 2 повеќе од Барселона која врза два триумфи.

„Нема овој натпревар да одлучува многу што се однесува на првенството, но победа би ни донела многу самодоверба. Досега не играме баш најдобро. Едноставно мора да сме поефикасни“ смета Жерар Пике.

Шпанските новинари побараа од него да ги спореди младите ѕвезди на двата тима – Ансу Фати и Винисиус Јуниор.

„Ако бидат здрави, тие се иднината на фудбалот. Винисиус е побрз, експлозивен, поекстремен играч. Ансу е поталентиран и поснаодлив пред голот, а Винисиус е еден од најдобрите светски играчи во игра еден на еден“ смета Пике.

Шпанскиот дефанзивец не заборави дека Реал во нападот го имаат фантастичниот Карим Бензема.

„Бензема се спаси со заминувањето на Роналдо. Тој остави дупка зад себе, а неа сјајно ја пополни Бензема кој сега е потполно смирен и фокусиран на постигнувањето голови. Последните сезони игра одлично. Но Реал не е само Бензема и Винисиус. Имаат многу сјајни играчи“ смета дефанзивецот на Барселона.