Италијанската скијачка Софија Гоџија најави дека е подготвена да се врати на врвот на спусташките трки, откако во првиот спуст од новата сезона во Светскиот куп во Лејк Луис, Канада, ја декласираше конкуренцијата за неверојатна победа.

29-годишната Гоџија имаше совршена трка за да ја победи Американката Бризи Џонсон со неверојатна предност од 1.47 секунди, додека третото место и припадна на Австријката Мирјам Пухнер со 1.54 секунди послабо време.

Гоџија, шампионката во спуст од 2018 и 2021 година, во јануари ја скрши ногата и го пропушти Светското првенство на домашен снег во Кортина Д’Ампецо, каде што беше главна фаворитка.

Норвежанецот Александер Омод Килде стигна до супер-џи триумф во Бивер Крик, Колорадо, САД, исто така враќајќи се од повреда и спречувајќи го Швајцарецот Марко Одермат да стигне до втора победа во два дена. Килде, кој ја освои скратената сезона од Светскиот куп во 2019/20, постави време од 1:10.26, за 0.03 секунди побрзо од Одермат, додека Американецот Тревис Ганонг беше за 0.37 секунди послаб на третото место.

Килде ги скина лигаментите на десното колено минатиот јануари прекратувајќи ја сезоната во момент кога беше втор во генерален пласман.

Унион Берлин стигна до импресивна 2:1 победа над минатогодишниот германски вице-шампион РБ Лајпциг, за да се искачат на второто место во Бундеслигата пред комплетното 14. коло во Германија.

Таиво Ајовини уште во петтата минута ги донесе Унион во водство, но само седум минути подоцна, Кристофер Нкунку успеа да израмни за „биковите“. Сепак, домаќините стигнаа до трите поени благодарение на Тимо Баумгартл, кој во 58. минута успеа да го совлада Петер Гулачи за голема победа, нивна шеста оваа сезона.

Унион сега се на четвртото место со 23 поени, еден зад Баер Леверкузен, и еден пред Фрајбург на петтото место. Лошата сезона за РБ Лајпциг продолжува и богатиот клуб сега е само осми со 18 освоени поени.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-42-37166”));

Никола Мектиќ и Мате Павиќ, најдоброрангираната тениска двојка на светот, стигна до убедлива 7:5/6:1 победа над Новак Ѓоковиќ и Филип Крајиновиќ во одлучувачкиот меч во двојки во полуфиналето на Дејвис купот, за Хрватска да стигне до 2:1 победа и дуел со подобриот од мечот Русија-Шведска во неделното финале на најелитното репрезентативно тениско натпреварување.

Херој на Хрватите, секако е 23-годишниот Бруно Гојо, кој во првиот меч го победи Душан Лајовиќ по три сета, за потоа во вториот меч, Новак Ѓоковиќ повторно да ги врати во игра Србите, со победа во два сета против Марин Чилиќ. Сепак, и самиот Ѓоковиќ знаеше дека во одлучувачкиот меч ќе се сретнат со Мектиќ и Павиќ, двојка која освои 9 турнири оваа сезона, и се закити со златото од Олимпијадата во Токио.

Во првиот сет беше тесно до 5:5, кога еден брејк беше доволен Хрватска да поведе со 1:0 во сетови, за во вториот, Мектиќ и Павиќ да ја покажат својата сила и да го добијат со 6:1.