Спорт
Усик со ултиматум до Фјури: Доста е со глупави игри
Украинскиот светски шампион во тешка категорија, Олександер Усик му одговори на ривалот Тајсон Фјури по неговите последни барања поставувајќи ултиматум за договарање на мечот за обединување на титулите во тешка категорија.
Усик е носител на ВБА, ИБФ и ВБО појасите во тешка категорија, и е во преговори со Британецот Фјури, носител на ВБЦ титулата подолго време за супер-дуел на „Вембли“ во април. Меѓутоа, преговорите „заглавија“ поради барања во договорите на двете страни. Усик го прифати барањето на Фјури за 70-30 поделба на парите, околку тој вети 1 милион фунти во добротворни цели, но „Џипси кинг“ го одби тој предлог.
На Усик му дојде преку глава и сега порача или да го потпише договорот или да го предаде појасот.
„Престани да кукаш и да бегаш, биди маж. Потпиши се на договорот или предај го појасот“, вели Усик.
Неговиот менаџер, Алекс Красјук, исто така „удри“ по Фјури, велејќи дека го губи кредибилитетот.
„Човекот се обидува да избега. Жал ми е за неговите фанови. Срамота е фајтер да се однесува на таков начин. Не се работи за пари, ниту за бокс, туку за обичен страв“, изјави Красјук.
Hey #greedybelly the rematch clause came from your side not mine.
Stop whining and ducking. Be a man, ink the contract or vacate the belt. I need undisputed and not to play your stupid games 🦆🦆🦆@Tyson_Fury pic.twitter.com/u9DaoX2fr4— Alexander Usyk (@usykaa) March 13, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

