Спорт
Валуев доби покана за мобилизација: Се разбира дека ќе одам во војна!

Претседателот на Русија, Владимир Путин, најави мобилизација на армијата со дополнителни 300.000 луѓе. Во овој дел од мобилизираните беше и поранешниот светски шампион во бокс, Николај Валуев. Тој влегува во историјата како највисокиот и најтежок светски шампион во историјата на боксот. Со висина од 213 сантиметри и тежина од 149 килограми ретко кој можеше да го спречи во рингот.
Сега 49-годишниот поранешен боксер ќе мора да се бори со Украина. Валуев се откажа од спортот во 2009 година и влезе во политиката. Тој служеше во рускиот парламент во 2011 година како дел од партијата „Единствена Русија“ што ја поддржува Путин. Поради неговата огромна големина, во Думата мораше да се направи специјален стол за да може Валуев да ја исполни својата улога на заменик.
Во 2010 година, лекар објави дека го лекува боксерот кој има „сериозни проблеми со коските и тетивите“. Валуев мораше да оди на две операции и шест месеци беше на рехабилитација. Но, тоа не го спречи Путин да го мобилизира за фронтот во Украина.
Во интервју за руската телевизија, Валуев призна дека добил повик додека бил во Донбас во источна Украина.
„Мислам дека сите добија покана. И јас. Дали ќе одам? Се разбира“, објави Валуев за весникот „Известија“.
Валуев беше светски шампион на ВБА меѓу 2005 и 2007 година и повторно во 2009 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин