Легендата на украинскиот фудбалер и нивни актуелен селектор, Андриј Шевченко вели дека ситуацијата со КОВИД-19 вирусот го потсетува на нуклеарната катастрофа во Чернобил во 1986 година.

Шевченко, кој е во само-изолација во Англија, каде што живее, исто така ги нарече здравствените работници „вистински херои на нашето време“. Поранешниот фудбалер на Милан и Челси мораше да се иссели од својот дом во Киев на  9 години по нуклеарната катастрофа во Припјат во 1986 година.

„Сега сум во близина на Лондон, живеам во предградијата и сум во само-изолација веќе десет дена. Го преживуваме овој тежок момент со надеж дека работите ќе бидат подобри. Единствено што можеме да правиме е да ги следиме препораките, да останеме дома и да им дадеме шанса на лекарите и на хероите од нашето време да ја завршат работата. Јас преживеав слична ситуација кога имав девет години и се случи Чернобил. Не смееме да правиме глупави работи и да мислиме само на себеси“, вели Шевченко во интервју за „Скај спорт Италија“.

Џејмс Долан, сопственикот на НБА тимот Њујорк никс и на НХЛ тимот Њујорк ренџерс, има позитивен тест на корона вирусот, потврдија од клубот.

„Тој е во самоизолација и нема симптоми и продолжува да ги надгледува бизнис-операциите на тимот“, се вели во објавата на Никси.

НБА и НХЛ сезоната ги суспендираа сезоните во март поради корона вирусот, а градот Њујорк е еден од жариштата на кризата. Повеќе НБА играчи исто така имаа позитивни тестови, вклучувајќи ги Кевин Дурант од Бруклин нетс и Маркус Смарт од Бостон селтикс.

Кристијано Роналдо сподели одлична семејна фотографија со неговата мајка, откако таа беше пуштена од болница оваа недела по мозочниот удар.

Долорес Авеиро беше пуштена од болница минатата сабота речиси две недели откако доби мозочен удар, а Португалецот доби дозвола од Јувентус да се врати дом на Мадеира. Авеиро постираше фотографија на социјалните мрежи, а Роналдо во саботата навечер не го криеше задоволството што неговата мајка е покрај него.

„Се чувствувам многу благодарен што мојата мајка е пуштена од болница и сега се опоравува дома. Чувајте го семејството и саканите“, напиша Роналдо покрај фотографијата на која е со своите сестри Елма и Катја Авеиро.

Долорес Авеиро заврши во болница на 3 март по мозочниот удар предизвикан од тромб.

 

View this post on Instagram

 

Feeling very thankful to have my mum home from hospital and recovering. Look after your families and loved ones. #stayhomesavelives

A post shared by Cristiano Ronaldo (@cristiano) on Mar 28, 2020 at 4:17pm PDT