Спорт
Ван Дајк сака да го продолжи договорот со Ливерпул

Капитенот на Ливерпул и холандската фудбалска репрезентација, Вирџил ван Дајк изјави дека сака да го продолжи договорот со клубот, пренесува Мирор.
Ван Дајк има договор со Ливерпул до 30 јуни следната година. Тој во летниот преоден рок имаше понуди од клубови од Саудиска Арабија, но реши да остане во тимот од Енфилд.
Британските медиуми наведуваат дека холандскиот фудбалер во случај да не ја продолжи соработката со Ливерпул, веќе во јануари следната година би можел да започне преговори со други клубови.
„Сакам да ги предводам Ливерпул и Холандија во следните две години. Размислував за се, особено по елиминацијата од Англија во полуфиналето на Европското првенство. Примивме гол од Англија во последната минута, по тој натпревар, бев многу разочаран и полн со емоции/ Тогаш можеби изгледаше дека го одиграв последниот натпревар за репрезентацијата. Потоа заминав на одмор со семејството и се се среди“, рече Ван Дајк кој за холандската репрезентација настапи на 75 натпревари.
Ван Дајк (33) е член на Ливерпул од 2018 година. За клубот од „Енфилд“ одигра 273 натпревари и постигна 23 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нереален награден фонд на клупскиот Мундијал: ФИФА нема да земе ниту еден долар

Светската фудбалска федерација (ФИФА) објави дека наградниот фонд за Светското клупско првенство што летово ќе се одржи во САД ќе изнесува дури една милијарда долари.
„Светското клупско првенство на ФИФА не само што ќе биде врв на клупскиот фудбал, туку и енергична демонстрација на солидарност што ќе им користи на клубовите во размери што ниту едно друго натпреварување не го направило“, рече претседателот на ФИФА, Џани Инфантино.
Светското клупско првенство, прво во нов формат, со 32 клуба, ќе се одржи во САД од 14 јуни до 13 јули.
„Сите приходи генерирани од турнирот ќе бидат распределени на клубовите учесници и преку клупска солидарност низ целиот свет, бидејќи ФИФА нема да задржи ниту еден долар. Резервите на ФИФА, кои се таму за глобалниот развој на фудбалот, ќе останат недопрени“, додаде Инфантино.
Групите за првиот клупски Мунсијал:
Група А: Палмеирас, Порто, Ал Ахли, Интер Мајами
Група Б: Пари Сен Жермен, Атлетико Мадрид, Ботафого, Сиетл
Група Ц: Баерн Минхен, Окленд Сити, Бока Јуниорс, Бенфика
Група Д: Фламенго, Есперанс Тунис, Челзи, Леон
Група Е: Ривер Плата, Урава, Монтереј, Интер
Група Ф: Флуминенсе, Борусија Дортмунд, Улсан, Мамелоди Санданс
Група Г: Манчестер Сити, Вајдад Казабланка, Ал Аин, Јувентус
Група Х: Реал Мадрид, Ал Хилал, Пачука, Салцбург
Пласман во осминафиналето ќе обезбедат двете првопласирани. ФИФА претходно објави дека Светското клупско првенство ќе се игра на секои четири години.
Спорт
Дибиров го одигра последниот меч во Лигата на шампионите

Еден од најомилените играчи во историјата на ракометниот клуб Вардар, Тимур Дибиров (41), вечерва во дресот на Загреб го одигра последниот меч во Лигата на шампионите. Поранешниот руски репрезентативец на крајот од сезоната ќе замине во пензија.
Загреб со минимален пораз од Кјелце (26:27) го заврши учеството во Лигата на шампионите. Дибиров постигна два гола, негови последни во елитното натпреварување кои два пати го освои во кариерата, како играч на Вардар, во сезоните 2016/17 и 2018/19.
Во кариерата настапуваше за Чеховски медведи (2004-2013), Вардар (2013-2022) и Загреб во последните три сезони.
За репрезентацијата на Русија, во периодот 2006-2020, одигра 215 постигна 747 голови.
Спорт
Милан и Интер ќе градат стадион вреден една милијарда евра

Фудбалските клубови Милан и Интер доставиле проект за изградба на нов стадион до градската влада на Милано.
Овој потег претставува огромен чекор во долгорочниот процес на изградба на нов стадион, кој исто така треба да биде лоциран во областа Сан Сиро или во околината.
Градоначалникот на Милан, Џузепе Сала, за медиумите изјави дека очекува клубовите да достават понуда и економски план.
„Законот бара од нас да спроведеме јавен предлог, но апсолутно е јасно дека тој ќе биде фокусиран на област наменета за фудбал. После тоа може да почнат преговори“, изјави Сала.
Новиот стадион ќе има капацитет од околу 71.500 седишта, од кои 13.000 во корпоративната зона, а инвестицијата ќе надмине милијарда евра.
Изградбата треба да започне во 2027 година и да биде завршена во 2030 година. Новиот стадион ќе се гради на местото на сегашните паркинзи зад западниот сектор на култниот тадион „Џузепе Меаца или Сан Сиро“, а благодарение на новиот стадион клубовите треба да ги зголемат годишните приходи за 130 милиони евра.
Сегашниот стадион, кој е изграден во 1925 година со капацитет од 80.018 седишта, ќе биде домаќин на Зимските олимписки игри во 2026 година, а ќе почне постепено да се демонтира дури откако ќе заврши изградбата на новиот.