Марсеј е победник на „приморското“ дерби во француската Лига 1, победувајќи го тимот на Монако на гости со 4:3 и покрај тоа што губеа со 2:0.

Новото засилување на Монако, Висам Бен Једер ги „уништи“ Марсеј во првите половина час, откако прво во 17. минута стрелаше од пенал, за само девет минути подоцна да зголеми на 2:0. Но, тимот на Андре Вилас-Боаш не се предаде и успеа да израмни до полувремето преку Бенедето и Жермен.

Димитри Паје во 61. минута ги донесе гостите во водство, а Дарио Бенедето го постигна својот втор гол пет минути подоцна за водство од 2:4. До крајот на мечот, Кеита успеа да намали на 3:4, но поените заминаа за Марсеј.

Ова е трет триумф во низа за Марсеј по слабиот старт на сезоната за да се искачат на четвртото место со 10 поени, два помалку од лидерот ПСЖ, додека Монако останува без победа и со две ремија во првите пет меча од шампионатот.

ЛИГА 1, 5.КОЛО

Нант – Ремс 1:0

Сент-Етјен – Тулуз 2:2

Монако – Марсеј 3:4

Верона од 21. минута играше со играч помалку по црвениот картон по грубиот старт на Мариуш Степински, но на Милан му беше потребен пенал за да стигне до неубедлива 1:0 победа.

И покрај тоа што домаќините играа со 10 играчи по несфатливиот потег на Степински, тие ја имаа најизгледната шанса во првото полувреме, кога Валерио Вере упати фантастичен удар кој беше многу блиску до горниот десен агол.

Милан ја имаше топката во своите нозе, но со малку иницијатива во нападот преку Сусо и Френк Кеси. Сепак, во 68. минута од мечот Амир Рахмани играше со рака во сопствениот шестнаесетник, и Кшиштоф Пјонтек од пенал беше прецизен за водство на „росонерите“. Пјонтек постигна уште еден гол во 83. минута од мечот, но тој беше поништен поради претходен прекршок. Давиде Калабрија, пак, во 95. минута од мечот доби црвен картон.

Тимот на Марко Џампаоло не може да биде задоволен од играта, но од втората победа во првите три кола од Серија А секако, посебно бидејќи во последните пет меѓусебни мечеви со Верона, Милан имаше два порази.

Piatek’s goal pic.twitter.com/up2FyXcNhQ

— 👍SS (@semo33x) September 15, 2019

#VAR disallowed a #Piątek goal. After 3 seconds the ref decides it’s a foul. I’m not so convinced. What do you think? #VeronaMilan pic.twitter.com/pTlRxjQ7y9

— Haris Mrkonja N1 (@harismrkonjan1) September 15, 2019

Неделното дерби од првото коло од ЕХФ Лигата на шампионите донесе трилер-завршница во Германија, откако поранешниот вардарец Алекс Душебаев со гол во последната секунда им донесе 30:30 реми на Кјелце кај Кил во групата А, каде што се наоѓа и актуелниот шампион, Вардар.

Резултатот беше израмнет во текот на целиот меч, иако гостите имаа гол предност (14:15) на полувреме. Во финишот на мечот, Кил успеа да направи предност од два гола (30:28) на само минута пред крајот, но прво Владислав Кулеш, а потоа и Душебаев беа прецизни за голем бод за полскиот шампион.

Душебаев и Кулеш беа најефикасни за Кјелце со по пет постигнати голови, додека уште еден поранешен вардарец, Игор Карачиќ уфрли два гола. За Кил, Никола Билик постигна седум голови, а пет имаше Штефен Вајнхелд.

ЛИГА НА ШАМПИОНИ, 1.КОЛО

ГРУПА А

Целје – Флензбург 24:25 (12:13)

Елверум – Алборг 24:34 (12:18)

Табела: 1.Алборг 2, 2.ПСЖ 2, 3.Пик Сегед 2, 4.Флензбург 2, 5.Елверум 0, 6.Целје 0, 7.Барселона 0, 8.ППД Загреб 0

ГРУПА Б

Веспрем – Мотор Запорожје 40:28 (17:13)

Кил – Кјелце 30:30 (14:15)

Табела: 1.Веспрем 2, 2.Вардар 2, 2.Порто 2, 3.Кил 1, 5.Кјелце 1, 6.Мотор 0, 7.Монпелје 0, 8.Мешков Брест 0