Спорт
Ван дер Сар прати писмо до фановите на Јунајтед по трансферот на Ван де Бек
Поранешниот голман на Манчестер јунајтед, а сега извршен директор на Ајакс, Едвин ван дер Сар прати писмо до навивачите на „ѓаволите“ по трансферот на 23-годишниот Дони ван де Бек на „Олд Трафорд“.
Претходно, Ван де Бек откри дека Ван дер Сар го охрабрувал да го избере Манчестер јунајтед и очигледно тој беше еден од клучните луѓе во изведбата на трансферот од 35 милиони фунти.
„Зборував со него и тој ми кажа многу приказни за клубот, за големите и за искуството кое го имал. Да, клубот има огромна историја и тоа беше многу важно за мене“, изјави Ван де Бек.
Ван дер Сар пак, објави отворено писмо до навивачите на „ѓаволите“ објавено во локалниот весник „Манчестер ивнинг њуз“.
„Драги навивачи на Манчестер јунајтед, се надевам дека сте добро. Нашите патишта повторно се вкрстија, еден од нашите доаѓа кај вас оваа сезона. Како многу фудбалери пред него, тој беше со нас од времето кога беше мало момче. Наскоро стана еден од нашите најдобри. Како и вие, и ние се гордееме со тоа што сме едни од најдобрите во развојот на талентите и давањето на шанса на младите фудбалери на највисоко ниво. Вашата нова ѕвезда е дел од таа гордост. Тоа е една од причините поради која не сакавме да замине, но сфаќаме дека е време за тоа. Да сонува. А нема подобро место за тоа од вашиот театар. Верувајте, го знам тоа. Чувајте го Дони и помогнете му во сонот. Уживајте во иднината“, напиша Ван дер Сар.
United fans: @vdsar1970 has written an open letter to you in today’s Manchester Evening News about @Donny_beek6 ❤️❤️❤️ @AFCAjax #mufc pic.twitter.com/Wfr04iykQl
— Man United News (@ManUtdMEN) September 3, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.