Спорт
ВАР го спаси Јунајтед од пораз против Евертон

Манчестер јунајед не успеа да го победи Евертон во првиот натпревар од седмото коло. Натпреварот на „Олд Трафорд“, заврши 1:1. Тренерот на Евертон Рафа Бенитез, во своето десетто гостување кај Јунајтед, прв пат одигра без победник, претходно неговите тимови седум пати биле поразени, два пати победиле.
Менаџерот на Манчестер јунајтед, Оле Гунар Солскјер, ги изненади сите со одлуката Пол Погба и Кристијано Роналдо натпреварот да го започнат од клупата за резерви. Двајцата во вториот дел влегоа на теренот, но немаа никакво придонес во играта.
Евертон во текот на целиот натпревар беа конкретни во своите напади, за разлика од Јунајтед. „карамелите“ не искористија две добри шанси во првиот дел, Јунајтед имаше една преку Кавани.
Казната за нереализираните шанси Евертон го стигна во 43.минута, кога Марсијал ја искористи асистенцијата на Фернадеш и со топовски удар го погоди голот на Пикфорд.
Евертон израмнија во 65.минута. Греј повлече контра, г издржа притисокот од Фред, а потоа Дукуре го проигра Таусенд кој ја испрати топката зад грбот на Де Хеан.
Целосен шок навивачите на Јунајтед доживеаја во 84.минута, кога Јери Мина постигна гол, за нивна среќа ВАР пресуди дека Колумбиецот бил во офсајд.
По седум кола Јунајтед и Евертон имаат по 14 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн Минхен го претстави Жоао Кансело

Португалскиот репрезентативец Жoao Кансело е нов фудбалер на Баерн Минхен. Тој дојде од Манчестер Сити на позајмица до крајот на сезоната.
До неодамна Кансело беше исклучително важен играч во тимот на тренерот Пеп Гвардиола, но дојде до незадоволство кај фудбалерот откако беше резерва во тимот во изминатите неколку седмици.
Кансело има и откупна клаузула од 70 милиони евра која Германците ќе треба да ја платат доколку сакаат да го задржат и по завршувањето на сезоната.
🔴⚪ Hier mag euch jemand 𝓢𝓮𝓻𝓿𝓾𝓼 sagen! 👀✌️ #ServusJoão
🔗 https://t.co/Zl8900o30p#MiaSanMia #FCBayern pic.twitter.com/OppwjX5TW6
— FC Bayern München (@FCBayern) January 31, 2023
Спорт
РФМ ги донираше финансиските средства од хуманитарниот меч „Сите ѕвезди“ во СОС Детско село

Челниците на Ракометна федерација на Македонија, претседателот Живко Мукаетов и генералниот секретар Филип Милошевски го посетија СОС Детско село. Ветувањето е остварено, донацијата од настанот „Сите ѕвезди“ ќе заврши кај оние што им е најпотребна.
„Вкупниот износ кој е собран од продажбата на билети за хуманитарниот ракометно музички спектакл одржан на 3 јануари 2023 година во организација на Ракометната федерација на Македонија, изнесува 1,372,550 денари, која сума ќе биде донирана на организацијата „СОС Детско село“.
„Сите Ѕвезди за СОС Детско село“ го славеше ракометот, го славеше спортот. Победи човечноста и хуманоста. Заедно покажавме дека македонската нација е хумана, а спортот има посебна моќ да нѐ вивне во височините и да ни пружи уникатна доза на среќа.
Сакајте го и негувајте го македонскиот спорт“, потенцираа од РФМ.
Спорт
Данска ги пречека ракометните херои

Данска ги пречека ракометарите кои направија неверојатен успех откако третпат по ред ја освоија светската круна. Тоа предизвика голема еуфорија во центарот на Копенхаген каде повеќе од 20.000 фанови се собраа да им оддадат признание за големиот успех.
Данска ја победи Франција во финалето на Светското првенство, а селекторот Николај Јакобсен и ракометарите добија овации на пречекот.
„Ова е најголемиот момент во мојот живот. Ова не се опишува со зборови. Благодарност до сите што ни приредија ваков пречек, а ние ќе се трудиме и во иднина да ве радуваме“, изјави голманот Никлас Ландин.
Young guns 💪🏻
🎥: @TV2SPORTdk #handball pic.twitter.com/BFSrIszoB8— Rasmus Boysen (@RasmusBoysen92) January 30, 2023