Спорт
ВАР ќе се користи во Лига Европа и на Евро 2020

Европската фудбалска федерација (УЕФА) соопшти дека ВАР-системот во иднина ќе биде во употреба и на натпреварите во Лига Европа (од 20 февруари), а ќе биде во функција во плејофот за пласман на Европското првенство и на Евро 2020. Челниците на УЕФА дополнително ќе објават дали судиите ќе имаат помош од видеотехнологијата и во европските квалификации за пласман на Светското првенство.
УЕФА не го крие задоволството од начиниот на кој досега ВАР се покажал во Лигата на шампионите потсетувајќи дека видеотехнологијата се применува само за јасни и очигледни грешки, но не и за контроверзни ситуации.
Претседателот на одборот за судии, Роберто Росети, рекол дека во судиската организација на УЕФА биле многу задоволни од она што го виделе во фазата по групи во Лигата на шампионите.
? VAR comes to the @EuropaLeague knockout phase this week.
? Here is a reminder on how it is used in UEFA competitions… #UEL pic.twitter.com/Rf3NudhGxy
— UEFA (@UEFA) February 17, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ мора да сруши делови од вилата
Новак Ѓоковиќ и шпанските власти најдоа решение, за вилата на тенисерот во Марбеља.
Покрај казната што српскиот тенисер ќе мора да ја плати, тој ќе мора да отстрани одредени помошни објекти за кои немал градежна дозвола.
„Ла Опин де Малага“ пишува дека проблемот е всушност тремот, надворешниот туш и пренамената на подрумот во гаража.
„Во февруари 2025 година, општината го предупреди српскиот ас да ги отстрани неправилностите во рок од два месеци – што не се случи. Ова е трета казна откако купи вила во Марбеља во 2020 година, а вкупната сума сега изнесува 15.000 евра“, пишува „Нова“.
Ве потсетуваме дека Ѓоковиќови се заљубиле во вилата додека престојувале во Марбеља како закупци, плаќајќи околу 10.000 евра неделно. во 2024 година.
Спорт
Грилиш наскоро потпишува за нов клуб?

Евертон напредува во преговорите за потписот на Џек Грилиш. „Карамелите“ имаат намера да го позајмат оваа сезона од Манчестер сити. 29-годишниот англиски репрезентативец, кој беше отстранет од првиот тим на Сити и не беше во составот за последниот натпревар од Премиер лигата против Фулам, како и за Светското клупско првенство во САД.
Извори потврдија за Би-би-си, дека договорот за Грилиш, кој наводно заработува 354.000 евра неделно во Сити, сè уште не е финализиран. Грилиш пристигна во Сити од Астон Вила во август 2021 година за тогаш рекордни 118 милиони евра и одигра повеќе од 150 натпревари, освојувајќи три титули во Премиер лигата, Лигата на шампионите и ФА Купот. Сепак, тој минатата сезона одигра само седум натпревари во лигата, а Сити ја заврши сезоната без голем трофеј.
Во јуни беше познато дека Грилиш сака да го напушто клубот, но сега се чини дека ќе мора да прифати позајмица. Тој би претпочитал да оди во клуб кој игра во Лигата на шампионите, но засега нема понуди од Њукасл јунајтед или Тотенхем.
Трансферот во Евертон нема да му донесе европски натпревари, но ќе му даде шанса да ја оживее кариерата и да преземе водечка улога на новиот стадион „Хил Дикинсон“.
Грилиш, исто така, ќе се обиде да се врати во националниот тим откако минатото лето призна дека бил „разочаран“ што не бил поканет на Европското првенство.
Спорт
Голманот Хендерсон частел по триумфот над Ливерпул

Само неколку часа откако беше еден од хероите во победата на Кристал Палас против Ливерпул во англискиот Суперкуп, голманот Дин Хендерсон повторно ги воодушеви навивачите.
По натпреварот, Хендерсон влегол во локален паб каде што се собираат навивачите на Кристал Палас и ги почестил сите присутни.
Тој влегол во пабот со победничкиот медал околу вратот и, според англиските медиуми, оставил 1.000 фунти кај келнерите за да ги плати пијалоците на сите.
Бројни навивачи на лондонскиот клуб го искористија моментот за да се фотографираат со ѕвездата на Палас. Во неделата на Вембли, Кристал Палас го победи Ливерпул со подобро изведување на пенали и го освои англискиот Суперкуп.