Спорт
ВАР, судијата Атвел и Кејн го режираа поразот на Брајтон, ракетата на Нуњез го урна Челси
Во саботата во ударниот термин се одиграа шест натпревари од 30. коло во Премиер лигата. Победи забележаа Астон Вила, Тотенхем, Њукасл, Вест Хем, Бурнемаут и Вулверхемптон.
Дербито според позициите на табелата го одиграа Тотенхем и Брајтон. Тотенхем славеше со 2:1. Според прикажаното Брајтон не заслужи пораз. ВАР им поништи два гола на гостите, а во 70.минута судиите од ВАР собата не го повикаа главниот арбитар Атвел да го види очигледниот фаул за пенал од Хојберг врз Митома.
Мечот го обележа вербалниот судир меѓу Стелони и Де Зерби. На крајот италијанските менаџери беа исклучени.
Лошите резултати на Челси повеќе никого не можат да изненадат. Ниту враќањето на легендата Френк Лампард не ги смени работите во тимот. Челси загубија на гостувањето кај Вулверхемптон.
Матеус Нињез постигна спектакуларен гол во првиот дел. Голот на Португалецот ќе влезе во конкуренција за гол на сезоната.
Фулам му гостуваше на Вест Хем и забележа минимална, но важна победа во борбата за опстанок. Мечот го реши авто-голот на Харисон Рид.
Астон Вила продолжи со брилијантните партии и стигна до шестото место на табелата. Вила со головите на Траоре и Воткинс го победи Нотингем Форест со 2:0. Мечот во Бирмингем го следеше и принцот Вилијан.
Њукасл не запира на патото кон Лигата на шампионите. „Страчките“ славеа во Лондон, кај Брентфорд. Најдобриот стрелец на домашниот тим Ајван Тони шутираше два пенали, првиот во 30. минута го одбрани Ник Поуп, но во 45. минута беше сигурен.
Сепак, страчките го свртеа резултатот во вториот дел со головите на Жолинтон и Исак.
Борнмут во дуелот на екипите кои грчевито се борат за опстанок победија во Лестер. Филип Билинг го постигна единствениот гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе се игра само во Англија: Горди сме што се разликуваме
ФИФА покрена иницијатива да дозволи натпреварите од националните првенства да се играат на неутрален терен. Пред се, ова се однесува на натпреварите на популарните клубови кои би оделе за големи пари и би играле натпревари во САД и Азија.
Првиот човек на шпанската Примера, Хавиер Тебас веќе најави дека шпанските клубови ќе ја прифатат оваа иницијатива, но во Премиер лигата немаат намера да се впуштат во ваква авантура.
„Играњето надвор од нашата земја не е во план. Не размислуваме на таа тема. Она што го слушаме од нашите играчи е дека се игра многу фудбал и дека се зголемува бројот на натпревари. Премиер лигата не го промени својот формат. Она што се промени во текот на изминатите неколку децении е обемот на меѓународни натпревари“, рече Мастерс, додавајќи
„Ние во Англија сме горди што сме различни. Имаме уште две куп натпреварувања. Сè уште веруваме дека наше е да одлучиме како ќе изгледа нашето натпреварување и колку клубови ќе имаме во лигата. Ако ја дополните чашата која е пона се ќе се истури, заврши Мастерс.
Спорт
Ливерпул објави дека се раздели со двајца фудбалери
Ливерпул во новата сезона ќе влезе без Јирген Клоп, но и без неколку играчи. Клубот досега ги потврди се заминувањата на Жоел Матип и Тиаго Алкантара.
Жоел Матип (32) летово ќе се прости од Ливерпул по осум сезони. Дефанзивецот беше меѓу првите засилувања во ерата на Јирген Клоп, кој го донесе Камерунецот од Шалке.
Тој забележа 201 настап, постигна 11 гола, освои седум трофеи.
„Не сум сигурен дека би било можно да се каже нешто лошо за него. Прекрасен професионалец, прекрасен фудбалер и прекрасно човечко суштество, бевме благословени што го имаме со нас толку долго, а сега се што можеме да направиме е да му посакаме најдобро во неговиот нов предизвик“, изјави Клоп.
Покрај Матип, заминува и шпанскиот играч за врска Тиаго Алкантара. Тој помина четири сезони во клубот, поради повредите одигра само 98 натпревари, постигна шест гола.
„Пред да дојде во Ливерпул, верував дека ако навистина го сакате фудбалот, ќе има смисла да гледате како игра Тиаго Алкантара“, изјави Јирген Клоп.
„Технички, тој е толку, толку добар. Талент кој може да игра во која било екипа во светот и беше привилегија да го имаме со нас“, додаде Германецот.
Спорт
Реал одбил 45 милиони евра за Арда Гулер
Арда Гулер, минатото лето за 20 милиони евра пристигна во Реал од Фенербахче. На почетокот се мачеше со повредите, на крајот забележа 11 настапи, мина на теренот 350 минути, тоа му беше доволно да постигне четири гола и да придонесе за 36. титула на Реал.
Гулер доби шанса од Карло Анчелоти да биде стартер во финишот на сеозната, кога Реал ја обезбеди титулата. Се шпекулираше дека наредната сезона би може да биде позајмен во друг клуб за да стекне искуство, а шпанските медиу и тврдат дека Арсенал испратиле понуда од 45 милиони евра за да го откупат неговиот договор.
„Арда дефинитивно ќе биде овде и следната сезона“, изјави Анчелоти отфрлајќи секаква можност за продажба на Турчинот.
„Навистина ми се допаѓа како играч. Сите знаеме дека е со врвен квалитет и талент. Тој е малку ограничен во играта без топка. Таму мора да се подобри и тоа е она што го прави”, изјави претходно Анчелоти по еден натпревар.
По завршувањето на сезоната Арда Гулер ќе им се приклучи на колегите од турската репрезентација која ќе настапи на Европското првенство во Германија.