Спорт
Вардар доминантно до 14-тата македонска титула

РК Вардар повторно е шампион на Македонија по убедливата 39:27 победа над старите познајници РК Металург за 14. пат да се закити со трофејот продолжувајќи ја низата од 2014 година, која беше прекината лани кога не се прогласи шампион поради пандемијата на коронавирусот.
Оваа сезона тимот на Стевче Алушовски имаше сериозна конкуренција во РК Еурофарм Пелистер, со кој завршуваат со идентичен скор 12-1, но со подобар скор во меѓусебниот дуел.
Сите шанси за изненадување што би го приредил Металург и така индиректно би им ја одзел титулата на „црвено-црните“ завршија уште во првото полувреме, во кое Вардар имаше 21:10 предност. За Вардар, ова е двојна титула бидејќи го освои и Купот на Македонија, а шпекулациите велат дека од следната сезона на клупата ќе се врати стариот познајник Веселин Вујовиќ, кој беше на трибините со сопственикот на тимот, Михајло Михајловски.
Фото: Денис Дуковски/РК Вардар1961
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сити ја доби куп-битката со Арсенал

Манчестер сити се во четврт-финалето на најстарото клупско натпреварување на светот, ФА купот, откако во лута битка со Арсенал излегоа со 1:0 победа на „Етихад“.
Иако не се работеше за меч од Премиерлигата, секако, вниманието беше насочено кон Манчестер, каде што се судрија лидерот во Премиерлигата, Арсенал и нивниот главен ривал, актуелниот шампион Сити, во пресметка на Пеп Гвардиола со неговиот „ученик“, Микел Артета.
Во израмнет меч во кој двата тима имаа свои шанси, неочекуван херој на „граѓаните“ беше дефанзивецот Натан Аке, кој во 63. минута по една опасна ситуација и статива пред голот на Арсенал, упати удар кој беше недостижен за Арон Ремсдејл.
Спорт
Моќната Франција силно преку Шведска за мундијалско финале

Франција ќе го предизвика актуелниот двократен шампион, Данска во финалето на Светското првенство во ракомет, откако покажаа фуриозна форма за да стигнат до голем 31:26 (16:12) победа над Шведска, на кои не им помогна ниту поддршката од трибините.
Освен на стартот на мечот, кога водеа со 3:2, Швеѓаните постојано ја бркаа предноста на „триколорите“, кои првото полувреме го завршија со четири гола предност (16:12). Во второто полувреме, постојано траеше притисокот на „трите круни“, но Французите ја оддржуваа предноста и стигнаа до максимални +6.
Винсен Жерар беше фантастичен на голот на Франција, Лоик Фабрегас постигнаа шест гола, а во форма со пет гола беа и Дика Мем и Кентин Мае во вистинска тимска победа, додека во отсуство на Џим Готфридсон, Јохансон со 5 гола и Петерсон со 4 беа лидери на Шведска.
Франција за својата седма титула на Светските првенства, ќе се судри со Данска, во реприза од олимпиското финале во Токио, додека за Шведска останува борбата за бронзата со Шпанија.
Спорт
Собослаи ги донесе Лајпциг на само поен од Баерн!

Унгарскиот ас Доминик Собослаи постигна два гола за да ги предводи РБ Лајпциг до 2:1 победа над Штутгарт во првиот меч од 18. коло во германската Бундеслига, со што „биковите“ дојдоа на само еден поен од лидерот Баерн Минхен.
Собослаи го отвори резултатот во 25. минута, а својата одлична форма оваа сезона Унгарецот ја продолжи во второто полувреме со вториот гол во 49. минута по асистенција на Андре Силва. Штутгарт успеаја финишот на мечот да го направат интересен, откако беше досуден пенал, а Крис Фурих беше сигурен реализатор во 68. минута.
РБ Лајпциг сега се на второто место на табелата со 35 поени, еден поен зад Баерн (кои утре играат со Ајнтрахт во дербито на колото), додека Штутгарт се само на 15. место со 16 поени, исто како и 16-пласираниот Бохум (со натпревар помалку).
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-42-42268”));