Спорт
Вардар падна во неизвесна завршница – ПИК Сегед победија во Скопје
ПИК Сегед прв пат успеа да го победи Вардар во Скопје, во Лигата на шампионите. Вардар, вечерва е поразен од унгарскиот тим 26:28 (15:13). Вардар, по седум одиграни натпревари, во својата група, има пет порази и се наоѓа на последното место. Доколку не успее да избега од дното, Вардар во осмина-финалето ќе игра против Барселона.
Вардар, по голема борба, падна пред ПИК Сегед. Унгарците подобро го отворија мечот, водеа со 2:5 и 4:7, дури потоа Вардар влезе во вистинскиот ритам. Инспирирани беа Дисингер и Дибиров, Ристовски одбрани два пати, па Вардар на полувреме имаше два гола предност.
Црвено-црните ја одржуваа предноста од два до три гола до 44.минута, благодарение на Јотиќ, кога Унгарците израмнија на 20:20.
Од тој момент па се до последната минута се играше гол за гол. Вардар во егал го држеше пикерот Валчак, кој одигра блескави десет минути во кои постигна четири гола.
Неизвесната завршница им припадна на ПИК Сегед, кои знаеја да ги искористи своите шанси.
Јотиќ и Дибиров беа најефикасни кај Вардар, четири постига Валчак, додека кај Сегед со по шет гола се истакнаа Банхиди и Радвојевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милевски ја презеде одговорноста за дебаклот во Велс
Серијата од две години без пораз во офоцијални натпревари, вкупно 14, во која се наоѓаше фудбалската репрезентавција на Македонија, заврши на „Милениум“ стадионот во Кардиф.
Велс, во последното коло во Ј групата, за пласман на Светското првенство, ја прегази Македонија со 7:1. Ова е вториот најтежок пораз во историјата на националниот тим. Втор пат Македнија прими седум гола на еден натпревар, претходно тоа се слуи на „Олд Трафорд“ против Англија (7:0).
Резултатот најдобро ја отсликува немоќта на македонските фудбалери на овој натпревар. По мечот селекторот Благоја Милевски ја презеде одговорноста за дебаклот.
„Немавме одговор за агресивната игра на Велс. Одговорноста е моја и секогаш ќе биде, начинот на кој загубивме боли повеќе“, рече Милевски.
Македонија сега ја очекува баражот за пласман на Мундијалот. Полуфиналните и финалните двојки ќе бидат извлечени в четврток во Цирих. Познато е дека во полуфиналето противник на Македонија ќе биде една од овие четири селекции: Италија, Данска, Турција или Украина.
Foto/ ffm.mk
Спорт
Можни противни во полуфиналето се Италија, Данска, Турција и Украина
Завршија европските квалификации за пласман на Светското првенство во САД, Мексико и Канада. Англија, Франција, Хрватска, Норвешка, Германија, Холандија, Португалија, Белгија, Швајцарија, Австрија, Шпанија и Шкотска го обезбедија своето место на планетарната смотра.
Европа на Мундијалот ќе биде застапена со 16 селекции. Последните четири ќе бидат познати во март наредната година кога ќе се одигра плејофот.
Меѓу 16-те репрезентации се наоѓа и Македонија, која место во плејофот избори преку Лигата на нации.
Репрезентациите ќе бидат распределени во четири шешири, според рејтингот. Правилата се дека репрезентација од првиот ќе игра против репрезентација од четвртиот шешир, а оние од вториот за противник ќе имаат селекции од третиот шешир во полуфиналето.
Потоа победниците ќе играат во финалето, а само победниците од четирите финални натпревари ќе се пласираат на Мундијалот.
Прв шешир: Италија, Данска, Турција, Украина
Втор шешир: Полска, Велс, Чешка, Словачка
Трет шешир: Ирска, Албанија, БиХ, Косово
Четврти шешир: Романија, Шведска, Македонија, Северна Ирска
Македонија во полуфналето ќе игра на гостински терен, а можно противници се Италија, Турција, Данска или Украина.
Ждрешката за баражот ќе биде извршена во четврток, во Цирих, со почеток во 13 часот.
Foto/ EPА
Спорт
(Видео) Ножичките на Мектоминеј, проектилот на Тирни и голот од половина терен ан Меклин ја однесоа Шкотска на СП
Фудбалерите на Шкотска ја победија Данска со 4:2 (1:0) во последниот натпревар од квалификациите за Светското првенство 2026 во групата.
Со овој триумф, Шкотланѓаните обезбедија директен пласман на Муднијал следната година, Данска ќе бара место на Светското првенство преку баражот.
Во спектакуларен натпревар во Глазгов, Шкотланѓаните водеа три пати, Данците се вратија двапати и со играч помалку, а потоа Меклин го постави конечниот резултат во осмата минута од судиското продолжение, со гол од половина терен.
Лудиот меч на „Хампден парк“ го најави Скот Мектоминеј во третата минута, кога со ножички постигна спектакуларен гол.
На Шкотланѓаните им беше потребна победа за директен пласман на Светското првенство, додека на Данска ѝ беше доволен и нерешен резултат на овој натпревар, за да бидат први од Групата Ц.
Данците не се предадоа, израмнија на 1:1 во 57-та минута, кога стрелец беше Хојлунд од пенал.
Само четири минути подоцна, Данска остана со 10 играчи, бидејќи Кристенсен доби втор жолт картон.
Добро се држеа Данците и со играч помалку имаа иницијатива и ја контролираа играта.
Нивната одбрана не издржа во 78-та минута кога, резервниот напаѓач Лоренс Шкаланд постигна гол за 2:1.
Шкотланѓаните беа на 12 минути од директен пласман на СП, а потоа Данците повторно израмнија четири минути подоцна, а овој пат Доргу беше прецизен за 2:2.
Кога се чинеше дека сè е готово, во третата минута од судиското продолжение, Киран Тиерни брилијантно погоди од 20 метри.
За крај на спектаклот, дојде и спектакуларниот гол на Кенај Меклин. Во осмата минута од судиското продолжение, фудбалерот на Норич го лобуваше Шмајхел од половина терен.
Foto/ EPA

