Спорт
„Вештачкиот“ Лајпциг го расипа првиот меч на Унион Берлин во Бундеслигата (видео)
Унион Берлин по 53 години од основањето на клубот заигра во германската Бундеслига, но првиот меч на „Ан дер алтен Ферстерај“ пред 22 илјади верни навивачи не можеше да помине полошо, откако РБ Лајпциг ги растури со 0:4.
Пред мечот, навивачите на Унион Берлин објавија дека ќе ги бојкотираат првите 15 минути од мечот, и тоа не поради својот тим туку поради противникот, бидејќи сметаат дека РБ Лајпциг е „вештачки“ клуб кој е само маркетинг-трик на богатиот австриски сопственик, Дитрих Матешиц.
Навивачите исто така јасно порачаа: „По 10 години, повторно клуб од Источна Германија во Бундеслигата“. Пред 10 години од лигата испадна Енерги Котбус – навивачите не го признаваат Лајпциг како клуб од Источна Германија.
Друг декор на навивачите беа старите фотографии на навивачите кои починаа пред Унион да влезе во германската елита.
At Union Berlin, talking about the atmosphere boycott, Tyler Adams and an old school touch to this great stadium. pic.twitter.com/kqFK9AFHYu
— Archie Rhind-Tutt (@archiert1) August 18, 2019
Отпорот на домаќините беше срушен веднаш по крајот на бојкотот во 16. минута, кога Марсел Халстенберг донесе водство за Ред бул, за до крајот на полувремето да стане јасно дека борбата за опстанок ќе биде реалност за клубот од престолнината, откако Забицер (31. минута) и Вернер (42. минута) постигнаа голови за гостите. Нкунку во 69. минута обезбеди Лајпциг да има совршен старт на бундеслигашката сезона.
Union Berlin become the 56th team to feature in the Bundesliga today.
Supporters held banners with photographs of dead, Union Berlin-supporting relatives ahead of the match. pic.twitter.com/eVVMFsopzV
— Squawka News (@SquawkaNews) August 18, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.
Спорт
Клоп: Многу ми е жал, се извинувам
Ливерпул, со поразот од Евертон, претрпе голем удар за шампионските амбиции. Во градското дерби Евертон на „Гудисон Парк“, по пауза од 14 години ги победи црвените: Од 2010 година ова е втора победа на „карамелите“ над Ливерпул.
Шампионскуте сништа на Ливерпул се чини ги згаснаа Брејтвајт и Калверт-Лувин, кои беа стрелци во победата 2:0.
Ливерпул сега заостанува три бода зад Арсенал на врвот на табелата, а третопласираниот Манчестер Сити има четири бода помалку од Арсенал, но и два натпревари помалку. До крајот на првенството остануваат само уште четири кола.
Јирген Клоп, последната сезона во Ливерпул сакаше да ја заврши со шампионска титула, но сега е извесно дека ќе мора да се задоволи само со еден и најмалку важен трофеј, Лига купот.
Свесен дека трката за титулата во Англија е практично изгубена, по поразот во дербито на Мерсисајд, тој рече: „Ова не беше доволно добро… Навистина сочувствувам со фановите и многу ми е жал. Се извинувам“.
Спорт
(Видео) Мајами победи во Бостон, Оклахома го згази Њу Орлеанс
Мајами го изедначи резултатот против Бостон на 1:1, а Оклахома победе со 2:0 во серијата против Њу Орлеанс.
Мајами и без Џими Батлер победи во Бостон со 111:101. Мајами против најдобриот тим во регуларниот дел од сезоната постигна 23 тројки, што е рекорд на франшизата во плеј-офот.
Тајлер Хиро погоди шест тројки, а Кејлеб Мартин пет, тие беа и најефикасни во редовите на франшизата од Флорида.
Хиро постигна 24 поени со 14 асистенции и пет скока, додека Мартин додаде 21 поен, колку што имаше и Бем Адебајо, кој додаде и десет скока со две асистенции. Српскиот репрезентативец Никола Јовиќ забележа 11 поени (тројки 3/4), девет скока и шест асистенции.
На другата страна Џејлен Браун постигна 33 поени со осум скока и асистенции, додека Џејсон Тејтум имаше учинок од 28 поени со осум скока и три асистенции.
Оклахома максимално ја искористи предноста на домашниот терен во пресметката со Њу Орлеанс.Тандери го декласираа противникот со 124:92.
Шаи Гилџис-Александер, кандидат за МВП признанието, повторно беше првата виолина на Тандер.
Тој постигна 33 поени со три скока и пет асистенции и две украдени топки. Расположен беше и Чет Холмгрен кој постигна 26 поени со седум скока и асистенција, додека Џејлен Вилијамс додаде 21 поен.
На другата страна, Јонас Валанчиунас постигна 19 поени, Брендон Играм и Херберт Џонс додадоа по 18, додека Си Џеј МекКолум постигна 15 поени.