Спорт
Везенков ја доби наградата „Алфонсо Форд“, Мадар е „Ѕвездата во подем“

Саша Везенков од Олимпијакос ја доби наградата „Алфонсо Форд“ за најдобар стрелец во Евролигата, а на Јам Мадар му припадна признанието „Ѕвезда во подем“.
Бугаринот во регуларниот дел од Евролигата на 38. одиграни натпревари имаше просек од 17,24 поени. Везенков му помогна на Олимпијакос да го освои првото место во регуларниот дел од сезоната, а потоа и да се пласира на завршниот турнир во Каунас.
Везенков, во регуларниот дел од сезоната имаше најголем индекс на корисност, што значи дека ќе ја добие и МВП наградата.
Тренерите на сите екипи од Евролигата го избраа плејмејкерот на Партизан, Јам Мадар за „Ѕвезда во подем“. Израелецот сезоната зад нас имаше просек од 5,8 поени по натпревар, на 10 натпревари постигнуваше двоцифрен број на поени. Во текот на сезоната Мадар, забележа вкупно 60 асистенции и 23 украдени топки.
Наградата „Ѕвезда во подем“ на Евролигата се доделува на играчи кои не наполниле 22 години до 1 јули 2022 година. Мадар го прослави 22. роденден во декември 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на приказната, Тадиќ нема да ја засили Црвена звезда

Душан Тадиќ нема да ја засили Црвена звезда, кариерата ќе ја продолжи во странство.
Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.
Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.
Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.
Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.
Можно е Тадиќ да замине во Саудиска Арабија.
Спорт
Ненадејно почина Жорге Кошта, легендарниот капитен и икона на Порто

Почина Жорге Кошта (53), поранешен португалски фудбалер и легендарен капитен на Порто.
Во сино-белиот дрес, тој освои осум титули во лигата, Лигата на шампионите и Интерконтиненталниот куп, а со репрезентацијата беше светски шампион до 20 години.
Информацијата за смртта ја потврди болнички извор, јавува португалското радио „Ренасенса“.
Според болницата „Сао Жоао“, Коста „доживеал кардиореспираторен застој во одделот за итни случаи и бил прогласен за мртов“. Поранешниот фудбалер доживеал срцев удар во 2022 година и бил подложен на катетеризација.
„Во текот на својот живот, на теренот и надвор од него, Жорге Кошта ги отелотворувал вредностите што го дефинираат ФК Порто: посветеност, лидерство, страст и непоколеблив победнички дух. Тој ги обележа генерациите навивачи и стана најголем симбол на клубот“, се вели во соопштението. „Никогаш нема да бидш заборавен, капитене“, соопшти клубот.
Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.