Спорт
(Видео) Атлетико падна на „Мендизароза“, евро-гол на Риоха
Алавес, во 32. коло во Примера го против Атлетико Мадрид со 2:0 и речиси сигурно обезбеди опстанок во лигата. Од друга страна „јорганџиите“ ќе мора да се помачат за да ја обезбедат четвртата позиција.
Атлетико втора сезона по ред не успева да постигне гол на гостувањето кај Алавес и втора сезона по ред е поразен на стадионот „Мендизороза“.
Со оваа победа Алавес речиси обезбеди опстанок во друштвото на најдобрите, додека Атлетико ќе мора да се мачи да ја обезбеди четвртата позиција и пласман во Лигата на шампионите до крајот на сезоната.
Домашните беа подобар противник, а поведоа во 15. минута преку Бенавидез, на кого одлично му асистираше Гарсија. Очекувано по тој гол Атлетико ја презеде иницијативата, а Алавес шансите ги бараше од контра.
Во последните 15 минути голманот Сивера запиша две брилијантни интервенции по ударите на лино и Кореа.
Финишот го донесе најубавиот момент на натпреварот. Риоха со волеј од 15 метри го совлада Облак.
Овој натпревар покажа дека на Атлетико му е потрбен целосен ремонт, осбено во одбраната. „Јорганџиите“ загубија осум од 17.натпревари на гостински терен. Вкупно во сезоната досега имаат девет порази што никогаш не се случило во ерата на Диего Симеоне.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.