Спорт
(Видео) Аутсајдерот Баис со победа на првата Џиро етапа на снежните Апенини
Со снег покрај патот, италијанскиот аутсајдер Давиде Баис стигна до соло победа на седмата етапа на Џиро Д’Италија, откако главните кандидати за победа решија да бидат многу внимателни при искачувањето на највисокиот врв на Апенините.
Норвежанцот Андреас Лекнесунд останув лидер во генерален пласман пред Ремко Евенепел и Орелиен Паре-Пеинтр по етапата која заврши на надморска височина од 2.100 метри по 218 километри од Капуа до Гран Сасо Д’Италија.
25-годишниот Баис успеа да избега рано во етапата, за да победи со девет секунди пред чешкиот велосипедист Карел Вачек и уште еден Италијанец, Симоне Петили.
After working hard for over 200 km, the last one is the sweetest of all🔻🥹
Dopo oltre 200km di fatica, l’ultimo è il più dolce di tutti 🔻🥹#Giro #GirodItalia @Expo2030Roma pic.twitter.com/g7t02wRLKI
— Giro d'Italia (@giroditalia) May 12, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.
Спорт
Педри се враќа во тимот на Барселона, Араухо ќе отсуствува
Тренерот на Барселона, Ханси Флик, изјави дека Педри ќе се врати на теренот на натпреварот против Алавес, додека капитенот Роналд Араухо нема да игра поради стомачни проблеми.
Педри го одигра својот последен натпревар на 26 октомври против Реал Мадрид, по што ја повреди левата нога, а Флик изјави дека шпанскиот фудбалер ќе игра против Алавес, но нема да биде стартер.
Тренерот на Барселона додаде дека Араухо нема да може да биде во тимот.
Флик истакна дека сите во тимот се чувствуваат лошо по поразот од 3:0 од Челзи во Лигата на шампионите и рече дека е оптимист за натпреварот против Алавес.
Фудбалерите на Барселона од 16:15 часот ќе го пречекаат Алавес во 14-то коло од Ла Лига. Барселона е на второто место на табелата во шпанското првенство со 31 бод, додека лидерот Реал Мадрид има 32.
Спорт
Мареска: Палмер е подготвен за Арсенал
Тренерот на Челзи, Енцо Мареска, изјави дека Кол Палмер е подготвен за градското дерби против Арсенал.
Палмер го одигра својот последен натпревар на 20 септември против Манчестер Јунајтед, по што имаше проблеми со препоните, а минатата недела имаше несреќа кога го скрши прстот на ногата во својот дом.
„Враќањето на Кол е добра вест и сите се среќни. Навивачите и неговите соиграчи се среќни, а најважно е што и Кол е среќен затоа што, на крајот на денот, играчите сакаат да играат натпревари и да тренираат секој ден. Тој може многу да ни помогне, тој е веројатно нашиот најдобар играч. Сега мора да му дадеме време да биде максимално подготвен. Играше фантастично во минатото и нема сомнение дека ќе направи многу добри работи за овој клуб во иднина“, рече Мареска.
Фудбалерите на Челзи ќе го пречекаат Арсенал во 13-то коло од Премиер лигата во недела во 17:30 часот. Арсенал е лидер на табелата во Премиер лигата со 29 бода, додека Челзи е на второто место со 23.

