Спорт
(Видео) Брејк на Филаделфија – Ембид ги предводеше Сиксерси до 3:2 против Бостон
Кошаркарите на Филаделфија во петтиот натпревар го совладаа Бостон со 115:103 и поведоа со 3-2 во полуфиналето на Источната конференција. Меч топката за пласман во конференциското финале, Сиксреси ќе ја имаат на домашен терен. Последен пат Сиксерси играа во финалето во ерата на Ален Ајверсон во сезоната 2000/2001 година, кога стигнаа и до големото финале и загубија од Лејкерси.
Победничкиот тим го предводеше новиот МВП Џоел Ембиид со 33 поени, Тајрис Макси постигна 30 поени, додека Џејмс Харден забележа дабл-дабл со 17 поени и десет скока.
Кај Селтикси најдобар беше Џејсон Тејтум со 36 поени и десет скока, Џејлен Браун постигна 24 поени, а Маркус Смарт постигна 14 поени.
Селтикси на натпреварот само еднаш водеа (10:8) и потоа до крајот на мечот беа далеку позади своите противници.
Натпреварот број шест е закажан за 12 мај во 1:30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.