Спорт
(Видео) Буендија во 95-та минута му пресуди на лидерот Арсенал
Лидерот во Премиер лигата падна на „Вила Парк“ во Бирмнигме. Емелијано Буендија, во 95-та минута постигна гол за триумф на Астон Вила над Арсенал 2:1. Аргентинецот им го нанесе на „топџиите“ вториот пораз оваа сезона.
Вила ја имаше првата голема шанса, но Раја имаше фантастична одбрана по ударот на Оли Воткинс во десеттата минута.
Играта беше интензивна на двете страни, потоа Арсенал малку ја презеде иницијативата – голот на Езе беше оправдано поништен поради офсајд, Сако исто така се обиде да упати удар со глава, но топката заврши веднаш до стативата.
Потоа домашните повторно наметнаа свој ритам, а во 36-та минута го видовме најважниот момент од првото полувреме – долг вовед во акцијата, аут од левата страна, Тимбер не реагираше доволно добро и топката заврши на втората статива, а таму Мети Кеш се протна зад Езе и го донесе својот тим во водство.
Арсенал започна уште поагресивно во второто полувреме, а наградата дојде брзо, во 53-та минута, резервистот Леандро Тросар постигна гол. Играчите на Вила загубија топка на средината од теренот, следуваше молскавична контра, Сака во шеснаесетникот дијагонално уфрли, а со малку среќа топката заврши пред Тросар, на кого не му беше тешко да изедначи.
Тросар го постигна 50-от гол во Премиер лигата.
Во 65-та минута, Раја одбрани удар на Воткинс, а четири минути подоцна, Емилијано Мартинез ја исфрли топката преку пречката со врвовите на прстите по феноменалниот удар на Едегор.
Се чинеше дека Арсенал е поблиску до водство, но по грешката на Калафиори, одлична шанса имаше Мален, кој го замени Воткинс. Сепак, шутираше покрај голот од добра позиција.
Тоа означи период на подобра игра на Вила, која заврши со голот на Бунедија.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челзи и Јунајтед подготвиле екстра понуда за Миле Свилар
Миле Свилар, во овој момент сигурно е еден од најдобрите голмани во Европа. Голманот блеска во дресот на Рома, а минатата сезона беше прогласен за најдобар во Серија А.
Белгиецот со српски корени оваа сезона се истакнува со своите игри и си зема голема заслуга за фактот што Вучица ја води битката за Лигата на шампионите.
Како што пишува „Caught Offside“, Манчестер Јунајтед и Челзи би сакале да го видат Свилар во своите редови, по завршувањето на сезоната и нема да штедат за да го обезбедат неговиот потпис. .
Се вели дека се подготвени да издвојат 60.000.000 евра за Свилар, но малку е веројатно дека оваа операција ќе биде изводлива, бидејќи тој неодамна го продолжи договорот со Рома.
Foto/ depositphotos
Спорт
(Видео) Прв триумф за Арбелоа на клупата на Реал
Фудбалерите на Реал го победија Леванте со 2:0 во натпреварот од 20-то коло на Ла Лига.
Натпреварот против гостите од Валенсија ќе биде запаметен како прв на Алваро Арбелоа како тренер на „кралскиот клуб“ во Примера, по шокантното деби во Купот на Кралот, кога Реал доживеа елиминација од Албасете.
И се чинеше дека е на пат кон уште еден неуспех…
Пред почетокот на натпреварот на „Бернабе“ се ширеа гласини дека пристапот ќе биде забранет за секој што скандира или на било каков начин протестира против тимот.
На загревањето пред почетокот, Килијан Мбапе се повреди за време на еден напад. На Французинот му беше укажана помош на лице место, но на крајот играше и започна, и покрај фактот дека се чинеше дека станува збор за посериозна повреда.
Напаѓачот на Реал го скрши отпорот на по речиси еден час игра, кога постигна гол од „белата точка“ во 58-та минута.
Само седум минути подоцна, беше многу полесно да се дише. По центаршутот на Арда Гулер од корнер, највисок во скокот беше Раул Асенсио, кој го постави конечниот резултат.
Со оваа победа, Реал се доближи на бод од Барселона, но Каталонците сè уште не го одиграле својот натпревар против Виљареал.
Foto/ EPA
Спорт
(Видео) Јунајтед го нокаутира Сити во градското дерби
Манчестер Јунајтед, на дебито на новиот тренер Мајкл Керик, го победи Манчестер Сити со 2:0, во градското дерби.
Мајкл Керик тактички ја уништи стратегијата на Пеп Гвардиола. Јунајтед му ја препушти топката на Сити, а шансите ги бараше во транзицијата, која беше „убиствена“. „Граѓаните“ во текот на целиот натпревар имаа само еден удар во рамките на голот.
За разлика од Сити, играчите на Јунајтед го бомбардираа Донарума. Токму голманот на Сити е најзаслужен што Јунајтед победи само со 2:0.
Исто така мора да се потенцира дека ВАР им поништи три гола на ограчите на Манчестер Јунјатед.
„Црвените ѓаволи“ го скршија ривалот во второто полувреме, кога Донарума капитулираше по ударите на Мбумо во 65-та и Доргу во 76-та минта.
Foto/ EPA
Bryan Mbeumo converts his effort with this counter-attack.
🏴 Manchester United 1-0 Manchester Citypic.twitter.com/jYWAr6Ry2r
— Goals Xtra (@GoalsXtra) January 17, 2026
Patrick Dorgu scores a goal! Matheus Cunha feeds him.
🏴 Manchester United 2-0 Manchester Citypic.twitter.com/yD5fEwN2ku
— Goals Xtra (@GoalsXtra) January 17, 2026

