Спорт
(Видео) Бугарија испушти победа над Унгарија, Швеѓаните се изрезилија во Азербејџан

Foto/ EPA
Пет натпревари се одиграа во рамките на квалификациите за пласман на ЕУРО 2024 во Германија. Победи забележаа репрезентациите на Шпанија, Азербејџан, Австрија, додека немаше победник на натпреварите Грузија-Шкотска и Бугарија-Унгарија.
Во Ф групата познато е дека Австрија и Белгија ќе играат на ЕП. Австрија во Талин ја победи Естонија со 2:0. Стрелци на головите во првото полувреме беа Лајмер и Лејнхарт.
Во оваа група, Шведска се изрезили во Азрбејџан. Домаќините славеа со 3:0, ја забележаа втората победа во овој квалификациски циклус и на табелаа се изедначија со Шведска.
Азербејџан по само шест минути имаше предност со головите на Махмудов и Дадашов. Во 57 минута Мустафазада доби црвен картон, но ниту со фудбалер повеќе Швеѓаните не може да направат ништо. Точка на мечот со својот втор гол стави Махмудов во 90.минута.
Шпанија и Шкотска од А групата ќе играат на ЕП. Шпанците за 28.минути постигнаа три гола против Кипар. Стрелци беа Јамал, Ојерзабал и Хоселу, а почесниот гол за домашната селекција го постигна Пилеас.
Интересен натпревар во Тбилиси играа Грузија и Шкотска. Домаќините два пати водеа со головите на Кварацхелија, а Пкотите во натпреварот ги враќаше Мектоминеј. Голот за 2:2 играчот на Манчестер јунајтед го постигна во 90.минута.
Бугарија во Г групата ја пречека Унгарија во Софија. Домашната репрезентација победата ја испушти во 97.минута кога Петков си постигна авто-гол.
Претходно Унгарците водеа со голот на Адам, а израмни Делев. Антов во финишот на првиот дел доби црвен картон, но силите на теренот се изедначија кога во 57.минута поради тор жолт картон беше исклучен Керкез. Најдобриот бугарски играч Десподов во 79.и донесе предност на својата репрезентација, која Унгарците ја поништија во последните секунди.
Бугарите имаат само три бода, додека Унгарија избори пласман на ЕУРО 2024.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мареј за пет години ќе добие 140 милиони

Киган Мареј, кошаркарот на Сакраменто Кингс, доби нов пет годишен договор вреден 140 милиони долари.
Мареј беше четвртиот избор на НБА драфтот во 2022 година, а Кингс обезбедија долгорочен договор со еден од најважните играчи кој е под договор до 2031 година.
Тој ја започна својата „дебитантска кампања“ многу добро и беше во идеалниот руки тим со одлични партии што го доведоа тимот до првиот плејоф по 17 години.
Киган е еден од тројцата играчи кои постигнале 500 тројки, со 150 блокади и 150 украдени топки во претходните три сезони.
Останатите двајца се Ентони Едвардс од Минесота и Дерик Вајт од Бостон.
Тој е шестиот играч кој потпиша продолжување на договорот оваа година пред рокот, 20 октомври, утврден со правилата на НБА.
Минатата сезона тој имаше просек од 12,4 поени со 6,7 скока и 1,4 асистенции во 76 одиграни натпревари.
Спорт
На 25-годишна возраст една од најдобрите пливачки замина во пензија

Една од најдобрите пливачки на денешницата, Австралијката Аријарне Титмус, изненадувачки објави дека ја завршува кариерата.
25-годишната Титмус освои осум олимписки медали, од кои четири златни, три сребрени и еден бронзен. Исто така таа е четирикратна светска шампионка. Најголемиот успех го постигна во дисциплината 400 метри слободен стил, дисциплина во која е двократна олимписка и светска шампионка, а освои и медали на 200 и 800 метри слободен стил и во штафетните трки 4 x 200 слободен стил.
По Олимписките игри во Париз минатата година, Титмус изјави дека ќе земе една година пауза од натпреварите за да ги „наполни батериите“, па работеше како телевизиски коментатор за време на Светското првенство во Сингапур оваа година.
Сепак, само неколку месеци подоцна, Титмус одлучи да се пензионира.
„Ова е тешка одлука, но сум задоволна. Го сакам пливањето, тоа ми е страст уште од детството, но откако неодамна направив пауза од тренинзите, сфатив дека некои други работи во мојот живот станаа многу важни“, рече Титмус.
Титмус го имаше своето меѓународно деби на Светското првенство во 2019 година во Гвангжу кога ја освои титулата на 400 метри слободно со победа против најтрофејната пливачка на сите времиња, Американката Кејти Ледеки.
Нивното соперништво траеше до Игрите во Париз, каде што Титмус ја одбрани титулата олимписки победник во истата дисциплина во финалето, кое беше наречено „трка на векот“ бидејќи нејзини сопернички беа канадската сензација Самер Мекинтош, која освои сребро, и Ледеки, која мораше да се задоволи со бронза.
Покрај бројните освоени медали, Титмус е и актуелна светски рекордерка на 200 метри слободно со време од 1:52,23.
Спорт
Уапсен Лука Вилдоза

Необичен и скандалозен инцидент се случи синоќа откако Виртус Болоња го победи Монако (77:73), во четвртото коло, во Евролигата.
Плејмејкерот на италијанскиот клуб Лука Вилдоза и неговата сопруга Милица Тасиќ се уапсени под сомнение за напад врз медицинскиот персонал.
Според весникот „Ил Ресто дел Карлино“, сè започнало на улицата Калори, во непосредна близина на салата „Паладоца“, каде што амбулантно возило застанало за да ја запише адресата на следната интервенција.
Во тој момент, поминал автомобилот на аргентинскиот кошаркар, кој, фрустриран од возилото што делумно го блокирало патот, прво неколку пати сигнализирал со фаровите, а потоа го навредил медицинскиот персонал.
Инцидентот не завршил тука. Вилдоза и екипата на амбулантата повторно се сретнале на Виале Силвани, каде што возилото веќе било на должност со вклучени сирени и ротација.
Кошаркарот почнал да сопира и да прави маневри пред амбулантата, отежнувајќи го нејзиното движење. Кога медицинските лица застанале да го прашаат зошто се однесува така, ситуацијата ескалирала.
Вилдоза вербално ја нападнал екипата на брзата помош, обвинувајќи ги дека „го окупираат патот и си играат со телефонот“, а потоа физички нападнал и зграпчил една од медицинските сестри за вратот.
Виртус Болоња се уште не се огласиле по повод овој инцидент.