Англискиот стручњак Лиам Розениор повеќе не е тренер на Челзи, потврди клубот. Младиот стратег го предводеше Ќелзи 104 дена.

Во деновите пред натпреварот со Брајтон, а по катастрофалната серија резултати, клупските челници јавно го поддржаа Розениор, кој, потсетуваме, пристигна во клубот пред нешто повеќе од три месеци, но по поразот од Брајтон, очигледно никој во клубот не бил сигурен дека овој стручњак е долгорочно решение за тренерската позиција.

За „Сините“, поразот од Брајтон (0:3) беше петти по ред без постигнат гол, и тоа е најлошата таква серија од 1912 година.

Розениор, по натпреварот за поразот, ги обвини играчите, што дополнително го разниша неговиот статус меѓу самите играчи и донесе недоверба во соблекувалната, но сега и меѓу неговите претпоставени.

Англиските медиуми објавија дека голем број играчи биле разочарани од работата на Розениор, што дополнително ја влошило и онака лошата атмосфера во соблекувалната.

Тие добија слободен ден денот по поразот, но клубот беше раздвижено, бидејќи челниците одржаа состанок, со едно прашање – што да прават понатаму?

Тема на дискусијата меѓу челниците на клубот била, меѓу другото, статусот на Розениор, односно неговото отпуштање како една од опциите за излез од кризата по поразот, што на минимум ги сведе шансите на тимот за пласман во Лигата на шампионите.

На крајот, самите си зададоа жесток удар, бидејчи Розениор потпиша шестгодишен договор пред три месеци.

Foot/ Depositphotos

Тренерот на Штутгарт, Себастијан Хенес (43), ги намали шпекулациите за интересот на Реал Мадрид за неговите услуги. Хенес ова го изјави пред утрешниот полуфинален натпревар од Купот на Германија против Фрајбург.

„Воопшто не ме интересира тоа во моментов“, изјави Хенес на прес-конференција, додавајќи дека е фокусиран на последниот дел од сезоната, бидејќи тимот се стреми да го одбрани минатогодишниот Куп и да обезбеди место во Лигата на шампионите преку Бундеслигата.

„Иста процедуар како и секоја година, би рекол. Мислам дека од време на време разговаравме за овие теми во последната фаза и мислам дека одговорите секогаш беа релативно јасни. Не дозволив да се појават никакви сомнежи“, додаде тој.

„Билд“ објави дека Хенес се разгледува меѓу опциите на Реал Мадрид во потрагата по замена за Алваро Арбелоа.

Исто така, се шпекулира дека Пеп Гвардиола би можел да го напушти Манчестер Сити, а менаџерот на Баерн Минхен, Винсент Компани, би бил во искушение да се врати во Премиер лигата.

Хенес, поранешен тренер на резервниот тим на Баерн, би бил очигледен кандидат на „Алијанц Арена“ доколку местото стане слободно, со оглед на неговите успеси со Штутгарт, меѓу кои и второто место во Бундеслигата во 2024 година.

Foto/ Depositphotos

Стевче Алошувски повеќе не е тренер на Еурофарм Пелистер. Тренерот поднел оставка по елиминацијата од Охрид, во полуфиналето на Купот. Алошувски го презеде Еурофарм Пелистер пред четири месеци, кога дојде на местото на Рубен Гарабаја.

„РК Еурофарм Пелистер ја известува јавноста дека по поразот во полуфиналето на Купот на Македонија во Струмица, тренерот на екипата Стевче Алушовски поднесе оставка од својата позиција. Клубот ја прифати и му се заблагодари на Алушовски за професионалната работа“, објави клубот на социјалните мрежи.

Заминувањето на Алушовски е кулминација на лошата сезона, на се уште актуелниот македонски шампион. Клубот не успеа да влезе во нокаут фазата во Лигата на шампионите, јасно е дека нема да ја одбрани титулата, а ужасната игра и елиминацијата во полуфиналето на Купот, само ја дополнија сликата за состојбата во која се наоѓа тимот.

До крајот на сезоната екипата ќе ја води асистентот на Алушовски, Алексо Лембанов.

foto/ facebook.com/hceurofarmpelister