Спорт
(ВИДЕО) Ентони Дејвис го водеше ЛА Лејкерс до триумф кај шампионот, Њујорк израмни против Мајами

Кошаркарите на Лос Анџелес Лејкерс го победија шампионот Голден Стејт Вориорс на гости со 117:112 во првиот натпревар од конференциското полуфинале во Западната конференција. Блескав натпревар одигра Ентони Дејвис, кој со 30 поени и 23 скока стана првиот кошаркар на Лејкерс кој од 2004 година во натпревар од плеј-офот имал ефект од барем 30 поени и 20 скокови. Тој придодаде и пет асистенции и четири блокади.
Последен кој имал вакво остварување беше Шекил О’Нил.
Покрај Дејвис, добар настап имаше и Леброн Џејмс со 22 постигнати поени, додека кај Голден Стејт, Стеф Кари постигна 27 поени, а Клеј Томпсон уфрли два поени помалку.
Њујорк Никс славеше во вториот меч од полуфиналната серија на Истокот против Мајами хит со 111:105 и израмни на 1:1. Џејлен Брансон го водеше Њујорк до триумфот откако постигна 30 поени на овој меч.
Покрај Брансон, одлично одиграа и Џулиус Рендл со 25 поени и Ар-Џеј Берет со 24 поени.
Мајами на овој натпревар беше без првата ѕвезда Џими Батлер и тоа не можеше да го надомести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Медисон ја пропушта целата сезона?

Лоши вести за Тотенхем. Повредата на Џејмс Медисон е сериозна и тој ќе биде надвор од терените долго време.
Креативниот играч од средниот ред се повреди на пријателскиот натпревар против Њукасл (1:1) во Јужна Кореја.
Во прашање се вкрстените лигаменти на десното колено. Според првите информации, тој сигурно ќе го пропушти поголемиот дел од сезоната, а можеби и целата сезона.
Минатата сезона Медисон забележа дабл-дабл од 12 гола и 11 асистенции.
Фото/ Принскрин
Спорт
Душан Тадиќ се договорил со Ал Вахда

Душан Тадиќ, во текот на преодниот рок се поврзуваше со Атлетико Мадрид и Црвена звезда, кариерата ќе ја продолжи во Обединетите Арапски Емирати.
Поранешниот играч на Фенербахче ќе биде член на Ал Вахда во следните две години, односно договорот ќе биде потпишан на една плус една година.
Минатата сезона, Ал Вахда заврши на третото место, што беше разочарувачки резултат, па затоа почнаа да го обновуваат тимот. Го ангажираа португалскиот стручњак Жозе Мораиш, а планот очигледно е Тадиќ да биде првата ѕвезда во кампањата за титулата.
Фото/ Принскрин
Спорт
Најскапиот играч во историјата на Сити ќе го напушти клубот

Најскапото засилување во историјата на Манчестер сити, играчот од средниот ред Џек Грилиш (29), би можел да ја оживее својата кариера во Евертон, објавија британските медиуми. Тренерот на Евертон, Дејвид Мојес, многу го почитува Грилиш и би сакал да го има во своите редови.
Евертон, кој оваа година се пресели на нов стадион вреден 900 милиони евра, би сакал да го откупи договорот на Грилиш доколку цената е прифатлива. Сепак, се разгледува и едногодишна позајмица.
Грилиш ангажирал личен тренер и сака да се врати во англиската репрезентација, но тоа не е можно додека Гвардиола е на чело на Сити. Затоа Грилиш сака да го напушти клубот.
Еден од најдобрите англиски дриблери пристигна во Манчестер сити пред четири години од Астон Вила во трансфер вреден 117 милиони евра. Неговиот договор со Сити истекува во јуни 2027 година, а тој заработува дури 18 милиони евра годишно. Во Сити, само норвешкиот Ерлинг Халанд има поголема плата од него, околу 30 милиони евра.
Грилиш од стандарден играч во првиот тим на Сити стана играч од клупата, па затоа беше во почетниот состав само еднаш во Премиер лигата минатата сезона. Тој одигра 39 натпревари за англиската репрезентација и запиша четири гола и осум асистенции.