Аргентинската фудбалска репрезентација ја победи Ангола со 2:0, како гостин, во пријателски натпревар одигран на стадионот „11 Ноември“ во Луанда.

Централна фигура на натпреварот беше Лео Меси, кој беше пречекан од домашните навивачи како божество или барем како национален херој.

Меси се најде во почетниот состав диктиран од неговиот имењак Скалони, како и повеќето од најдобрите играчи на Аргентина, па публиката можеше да ги види светските шампиони во акција во речиси најсилниот состав.

Меси и Лаутаро беа главни протагонисти во триумфот, со по асистенција и гол.

Гостите поведоа во 43-та минута кога Меси го проигра Лаутаро, кој со удар од првиот допир ја погоди мрежата на Ангола.

Во продолжението, Аргентинците ја контролираа ситуацијата на теренот, а победата ја запечатија во 82-та минута кога Мартинез му се реваншира на Меси, несебично го проигра, а тој рутински го дуплираше водството на „гаучосите“.

Меси го постигна 895-от гол во кариерата.

LIONEL MESSI SCORES !!!!!!!!!!!!!!!!!!
THE BEST PLAYER IN THE WORLD, THE BEST PLAYER EVER !!!!!!!!!!!!!!!!!!!!!!!!!!
HE CAN DO IT EVEN AGAINST ANGOLA, MESSI CAN SCORE AGAINST ANYONE !!!!!!!!!!!!!!!!!!!!!!!!!!!!!!!!!!!!
pic.twitter.com/86NAauoXX8

— TheScreenshotLad (@thescreenlad) November 14, 2025

Пред натпреварот, славниот Аргентинец доби посебен подарок од претседателот на Ангола по повод педесетгодишнината од независноста на оваа африканска земја од Португалија, а централниот дел од прославата беше токму натпреварот против светските шампиони.

Аргентина од овој натпревар заработи 12 милиони евра.

🚨The President of Angola presented a special award to Leo Messi to celebrate the 50th Independence anniversary of the country.

Messi is a symbol of unity⚽️❤️🐐 He unites all with his greatness

pic.twitter.com/6NybRIygS2

— 𝐂𝐀 𝐕𝐀?🐐🐐 (@psg_chief) November 14, 2025

Фудбалската репрезентација на Малта направи првокласно изненадување и ја победи Финска како гостин во натпреварот од деветтото коло од Групата Г од европските квалификации за Светското првенство во 2026 година.

Со овој пораз, Финците ги загубија сите шанси за пласман на Светското првенство следната година.

Натпреварот на Олимпискиот стадион во Хелсинки заврши со резултат 0:1 (0:0).

Стрелец на единствениот гол беше Џејк Греч во 81-та минута. Ова е прва победа за малата Малта во квалификациите за Светското првенство во 2026 година.

Уште пред овој натпревар, Финска беше во тешка позиција во борбата за пласман на Светското првенство, а сега дефинитивно ги загуби сите шанси.

Остана на третото место во групата со десет бода, три помалку од второпласираната Полска и шест помалку од водечката Холандија, но и двете имаат уште два натпревари до крајот на квалификациите.

Француските фудбалери обезбедија пласман на Светското првенство едно коло пред крајот на квалификациите, откако остварија убедлив триумф од 4:0 над Украина.

Килијан Мбапе беше еден од најзаслужните за пласманот на „триколорите“ на Светското првенство, но во меѓувреме се здоби со лесна повреда.

Станува збор за воспаление на зглобот, а со оглед на тоа што визата за САД, Канада и Мексико е веќе обезбедена, нема потреба најдобриот играч на Франција да се изложува на ризик во натпреварот од последното коло од Групата Д со Азербејџан (недела, 18.00 часот).

26-годишникот веќе се врати во Мадрид, каде што ќе се одмори и ќе ја санира повредата пред да ги продолжи клупските обврски.

Заедно со Мбапе, во Мадрид се врати и Едуардо Камавинга, неговиот соиграч од Реал.

„Камавинга претрпе истегнување на тетивата на левата нога. Мбапе сè уште страда од воспаление на десниот глужд, што бара дополнителни тестови. Тие ќе бидат подложени на нови тестови денес во Мадрид“, се вели во соопштението на Француската фудбалска федерација.