Спорт
(Видео) Ферстапен победи во Бразил, Алонсо и Перез приредија спектакл
Возачот на Ред Бул, Макс Ферстапен славеше на Големата награда на Бразил, 20-та трка од овогодинешниот шампионат во Формула 1.
Трикратниот светски шампион комплетираше двоен триумф на патеката „Интерлагос“, откако претходно славеше и во спринтот. Воедно, холандскиот возач ја постигна 17-та победа сезонава, со што дополнително го подобри неговиот рекорд и по 52-ри пат се најде на највисокото скалило на подиумот.
Најблиску до Ферстапен беше Ландо Норис во Мекларен, а на двајцата им се придружи и возачот на Астон Мартин Фернандо Алонсо откако ја доби епската борба со Серхио Перез. Двократниот светски шампион го победи Мексиканецот за 53 илјадитинки!
What an unbelievable finish 🤯#F1 #BrazilGP pic.twitter.com/lFIbkTi9rC
— Formula 1 (@F1) November 5, 2023
На „Интерлагос“ Холанѓанецот забележа рутинска победа во трка која имаше два старта, а клучниот детал се случи во седмиот и осмиот круг кога Норис му пријде, но не успеа да го нападне.
Покрај доминацијата на Ферстапен и неверојатната борба за третото место, трката во Сао Паоло ја одбележа и она што се случуваше пред и веднаш по стартот.
Уште пред почетокот имаше драма, бидејќи возачот на Ферари, Шарл Леклер излета од патеката поради проблеми со хидрауликата. За среќа тој застана зад заштитните огради и трката се одвиваше како што беше планирано, но голем инцидент се случи веќе во првиот свиок, возачот на Хас, Нико Хилкенберг, имаше контакт со Алекс Албон во Вилијамс, кој беше катапултиран право во оградата, а попат го закачи Данецот од Хас, Кевин Магнусен.
Потоа на патеката излезе безбедносно возило, така што директорот на трката многу брзо го подигна црвеното знаме, по што дојде до прекин кој траеше нешто помалку од половина час.
Покрај Албон и Магнусен, споменатата несреќа на стартот ги погоди и Даниел Рикиардо во болидот на Алфа Таури и возачот на Мекларен, Оскар Пјастри, кој отпадна од конкуренцијата.
Целта ја минаа вкупно 14 возачи, од трката имаше изненадувачко повлекување за возачот на Мерцедес, Џорџ Расел, кој долго време беше меѓу освојувачите на поени.
Британецот исто така беше жртва на стратегијата на неговиот тим кој не му дозволи да го помине Хамилтон да го престигне во раната фаза од трката кога тој имаше подобро темпо од неговиот тимски колега.
Битката меѓу Алонсо и Перез донесе возбуда на самата трка по драмата на стартот, а првите четири на крајот следеа од вториот возач на Астон Мартон, Ленс Строл. Карлос Саинц Јуниор во Ферари беше шести, пред Пиер Гасли од Алпино и Хамилтон.
Победниците на поени ги комплетираа возачот на Алфа Тазрија, Јуки Цунода и Естебан Окон во вториот болид на Алпина.
Следната трка во Формула 1 ќе биде премиерното Гран При на Лас Вегас, а е закажана за 18 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.